Sooji Halwa Recipe : झटपट होणारा आणि बनवायला सोपा असा चविष्ट 'सूजी हलवा'

Sooji Halwa Recipe : आपल्या सगळ्यानाच गोडधोड पदार्थ खायला आवडतात. अनेक गोडाचे पदार्थ बनवायला तितकाच वेळ द्यावा लागतो. मात्र काही पदार्थ तुम्ही कमी वेळात आणि मोजक्या साहित्यातही बनवू शकता. जेव्हा तुम्हाला लगेच गोड खावेसे वाटेल तेव्हा तुम्ही 'सूजी हलवा' बनवू शकता. तो खूप झटपट, बनवायला खूप सोपा आणि खायला खूप चविष्ट आहे.

(Sooji Halwa Recipe in Marathi)

सूजी हलव्यासाठी लागणारे साहित्य

रवा - अर्धा कप

देशी तूप - 60 - 70 ग्रॅम (1/3 कप)

साखर - अर्ध्या कपापेक्षा थोडे जास्त

काजू - 10-12

मनुका - 5-6

छोटी वेलची - 4 (ठेचून पावडर बनवा)

बदाम - 8-10

लागणारा वेळ - 20 मिनिटे

कृती :

• गॅसवर तवा ठेवा आणि त्यात तूप टाका. तूप गरम झाल्यावर त्यात रवा टाका आणि ढवळत असताना रवा तपकिरी होईपर्यंत भाजून घ्या. थोड्या वेळाने गॅस मंद करून हलका गडद तपकिरी होईपर्यंत भाजा.

• रवा भाजल्यानंतर त्यात 2 वाट्या पाणी आणि साखर घालून मिक्स करा. हलवा मंद गॅसवर शिजू द्या. मध्येच हलवा परतत राहा.

• दरम्यान, सुका मेवा चिरून घ्या.

• हलव्यात चिरलेला काजू-बदाम आणि बेदाणे घालून मिक्स करा. नंतर त्यात वेलची पावडर घालून रवा चांगला हलवून घ्या. उरलेले तूप हलव्यात घालून मिक्स करा. तूप घातल्यावर हलवा मऊसर होऊन छान लागतो.

• पाणी आटल्यावर गॅस बंद करा आणि सूजी हलवा एका भांड्यात काढा. त्यावर तुम्ही वरून सुकामेवा टाकू शकता. गरमागरम सूजी हलवा तयार आहे.