Guava Chutney Recipe: आंबट अन् चवदार पेरू चटणी हिवाळ्यात वाढवेल जेवणाची चव!

Guava Chutney Recipe: हिवाळ्यात आंबट अन् चवदार चटणीचा आहारात समावेश केला तर जेवणाची चव दुप्पट होते. आवळा, कोथिंबीर, हिरवी मिरची, लसूण इत्यादी टाकून बनवलेली हिरवी चटणी चवीला अप्रतिम असते. पण आरोग्यालाही अनेक प्रकारे फायदेशीर ठरते.

कोथिंबीरीची चटणी असो की आवळा चटणी, हे सर्व खूप आरोग्यदायी आहेत. तुम्ही आवळा आणि कोथिंबीरीची चटणी खूप खाल्ली असेल, पण पेरूची चटणीची चव चाखली आहे का?नाही तर नक्की ट्राय करा. पेरूपासूनही तुम्ही पटकन मसालेदार, आंबट, गोड चटणी बनवू शकता.

• पेरूची चटणी बनवण्यासाठी लागणारे साहित्य

बीया काढलेले पेरू - 1/2

कोथिंबीर पाने - 50 ग्रॅम

हिरवी मिरची - 2/3

आले - 1 तुकडा

लिंबाचा रस - 1 टीस्पून

जिरे पावडर - अर्धा टीस्पून

मीठ - चवीनुसार

काळे मीठ - चवीनुसार

पेरू चटणी रेसिपी

पिकलेले पेरू घ्यावे. ते कापून सर्व बिया काढून टाकावे.

कोथिंबीर, हिरव्या मिरच्या, आले पाण्याने चांगले धुवून घ्या. हिरवी मिरची आणि आले कापून घ्या.

आता पेरू, कोथिंबीर, हिरवी मिरची मिक्सरमध्ये टाका. हे तीन पदार्थ एकदा मिक्सरमध्ये बारीक करून घ्या.

आता त्यात जिरेपूड, आले, मीठ, काळे मीठ आणि लिंबाचा रस घाला.

पुन्हा बारीक करून त्याची पेस्ट बनवा.

तुम्हाला जितकी चटणी बनवायची आहे त्यानुसार तुम्ही घटकांचे प्रमाण घेऊ शकता.

आंबट गोड आणि मसालेदार पेरू चटणी तयार आहे. भात, रोटी आणि चपाती इत्यादी सोबत खाण्याचा आस्वाद घेउ शकता.

रोज एकच चटणी खाउन बोर झाले असाल तर तर गोड आणि आंबट पेरूची चटणी नक्की बनवून बघा.