Healthy Tips: ओव्याचे पाणी औषधांप्रमाणे करते काम, दूर ठेवते अनेक आजार

Ajwain Water Health Benefits: ओवा खाण्याबरोबरच ओव्याचे पाणी देखील आरोग्यासाठी फायदेशीर मानले जाते. नियमितपणे ओव्याचे पाणी पिल्यास शरीरासह त्वचेलाही फायदा मिळतो. ओव्याचे पाणी वजन कमी करण्यापासून रोगप्रतिकारशक्ती वाढवण्यापर्यंत अनेक आरोग्यदायी फायदे देते. ओव्यामध्ये कॅल्शियम, फायबर आणि पोटॅशियमसारखे पोषक घटक असतात. जाणून घेऊया ओव्याचे पाणी पिण्याचे कोणते फायदे आहेत.

1) प्रतिकारशक्ती

ओव्याच्या पाण्यात अँटिऑक्सिडंट , अँटी-बॅक्टेरियल आणि अँटी-फंगल गुणधर्म असतात. हे पाणी प्यायल्याने शरीरातील रोगप्रतिकारक शक्ती वाढण्यास मदत मिळते. ओव्याचे पाणी प्यायल्याने तुम्हाला अनेक आजारांशी लढण्यास मदत मिळते.

2) खराब कोलेस्टेरॉल

ओव्याच्या पाण्यात फायबर आणि फॅटी ऍसिड असतात. हे पाणी प्यायल्याने शरीरातील चांगले कोलेस्ट्रॉल वाढते. तसेच ओव्याचे पाणी खराब कोलेस्ट्रॉलही कमी करते.

3) संसर्ग

ओव्याच्या पाण्यात जंतुनाशक गुणधर्म असतात. बदलत्या हवामानात आरोग्यासंबंधी आजार निर्माण होतात. ओव्याचे पाणी पिऊन तुम्ही हंगामी संसर्गापासूनही दूर राहू शकता.

4) सुरळित पचन

ओव्यामध्ये फायबरचे मुबलक प्रमाण असते. ओव्याचे पाणी प्यायल्याने पचनक्रिया सुरळित कार्य करते. पोटासंबंधित आजार आणि बद्धकोष्ठतेची समस्या दूर ठेवते. ब

5) वजन कमी

सकाळी ओव्याचे पाणी प्यायल्याने पचन होण्यास मदत मिळते. तसेच फॅट बर्न करण्यासाठी देखील काम करते. हे पाणी प्यायल्याने वजन झपाट्याने कमी होण्यासही मदत होते. यामुळे वजन कमी होण्यास मदत मिळते.

6) रक्तातील साखर

ओव्याचे पाणी प्यायल्याने रक्तातील साखरेची पातळी नियंत्रित राहते. ओव्यामध्ये फायबर असते. ओव्याचे पाणी घेण्यापूर्वी डॉक्टरांचा सल्ला नक्की घ्यावा.