प्रत्येकाच्या आयुष्यात अनेक चढ-उतार येतात. कोणाच्याही आयुष्यात सर्व काही चांगले किंवा सोपे नसते. यामुळे परिस्थितीला तोंड द्यावे. पण अशावेळी तुमचा जोडीदार तुमच्यासोबत असेल तर तुमचे आयुष्य अधिक आनंदी होते. कोणतेही नातं चांगले ठेवायचे असेल काही छोट्या गोष्टींची काळजी घ्यावी लागते. चला तर मग जाणून घेऊया नातं टिकवण्यासाठी काय करावे.
हसत-खेळत नातं
आयुष्य जगतांना मजेशीर आणि आनंदी वातावरण असेल तर नातं अधिक दृढ होते. तसेच आरोग्यावर देखील चांगला परिणाम होतो. चांगल्या नात्यात प्रत्येक गोष्टीचे स्वतःचे महत्त्व असते. हास्य हा त्यापैकीच एक. तुमचा स्वभाव गंभीर बनवू नका की त्यामुळे मज्जाच राहणार नाही.जर तुमचा पार्टनर नाराज असेल तर असे काहीतरी करा ज्यामुळे त्याच्या चेहऱ्यावर हसू येईल.
कौतुक करावे
आपल्या जोडीदाराचे कौतुक करणे चांगले असते. यामुळे काम करण्याचा उत्साह टिकून राहतो. जर तुमचा जोडीदार एखाद्या कामात उत्तम असेल तर त्याकामासाठी कौतुक करावे. या एका छोट्या गोष्टींमुळे देखील नातं घट्ट होण्यास मदत मिळते.
तुमच्यामधील चांगले गुण बघु शकणाऱ्या लोकांसोबत राहावे
जसे तुम्ही जोडीदाराचे कौतुक करता तसेच तुमचे कौतुक होणे गेखील गरजेचे आहे. यामुळे अशाच लोकांची निवड करा जे चांगल्याला चांगल म्हणतील.याचा परिणाम नातं आणि आरोग्यावर होतो.
एकमेकांना वेळ द्यावा
कोणतीही गोष्ट सुधारण्यासाठी वेळ देणे आवश्यक आहे. पण नात्याच्या बाबतीत आपण ही गोष्ट विसरतो. ऑफिसचा एखादा प्रोजेक्ट पूर्ण करण्यासाठी आपण रात्रंदिवस घालवतो, अतिरिक्त काम करतो पण अशा कामाचा आपल्या प्रियजनांवर परिणाम होतो हे विसरतो. यामुळे नाते घट्ट करण्यासाठी एकत्र क्वॉलिटी टाईम घालवणे आवश्यक असते. यासाठी घरी आल्यावर जोडीदाराला घर कामात मदत करावी किंवा बाहेर फिरायला जावे.
टॉक्सिक नातं आणि लोकांपासून दूर राहावे
आपल्या आयुष्यात येणारे सर्वच लोक चांगले नसतात. काही लोकांमध्ये नकारात्मकता देखील असते. काही नाती फक्त टिकवायची म्हणून सोबत राहणे शक्य नाही. समोरचा व्यक्ती सुधारेलच याची फार काळ अपेक्षा न करता अशा नात्यापासून दूर राहणे उत्तम असते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.