अनेक लोकांना जेवण (Meals) झाल्यानंतर अधिक झोप (Sleep) येते. तसेच अनेक लोकांना थकवा (Fatigue) जाणवतो. जेवणानंतर झोप (Sleep) येणे हे साहजिकच आहे. तज्ञांच्या म्हणण्यानुसार जेव्हा अन्न पोटात जाते तेव्हा ते शरीराच्या विविध भागात पोहोचते. जेवण झाल्यानंतर आपल्याला ऊर्जा (Energy) मिळते. जेवण झाल्यानंतर थकवा आणि झोप येण्यामागचे नेमक कारण काय आहे हे जाणून घेवुया.
* अधिक जेवण करणे
जेवण झाल्यानंतर झोप आणि थकवा का जाणवतो, असा प्रश्न प्रत्येकांच्या मनात येत असतो. याचे कारण म्हणजे तुम्ही किती खाता यावर अवलंबून असते. अधिक जेवण केल्याने पचनसंस्थेवर ताण येतो. याकरिता खूप ऊर्जा खर्च होते. यामुळे तुम्हाला थकवा जाणवू लागतो. म्हणूनच योग्य प्रमाणात पदार्थांचे सेवन करावे.
* फॅट आणि कार्बन
रोजच्या जेवणात जर तुम्ही फॅट आणि कार्बनचा अधिक वापर करत असाल तर तुम्हाला झोप येवू शकते. हाय फॅट आणि कॅलरीयुक्त पिझ्झा खाल्ल्याने देखील अधिक झोप येऊ शकते. तज्ञांच्या मते, हाय फॅट पदार्थ खाल्ल्याने सीसीकेमध्ये वाढ होऊन जेवणानंतर अधिक झोप येते.
* धूम्रपान टाळा
जेवण झाल्यानंतर धूम्रपान केल्याने अधिक आळस येऊ शकतो. आरोग्य तज्ञांच्या मते, धूम्रपानामुळे मज्जासंस्थेवर परिणाम होऊन झोप येवू लागते. परंतु तुम्ही जर झोपण्याआधी धूम्रपान करत असाल तर तुमच्या झोपेवर याचा परिणाम होतो. तसेच याचे विपरीत परिणाम तुमच्या शरीरावरही होतात. यामुळे धूम्रपान करणे टाळावे.
* हार्मोन्समध्ये बदल होणे
जेवण झाल्यानंतर तुम्हाला जर अधिक थकवा जाणवत असेल तर आरोग्य तज्ञांचा सल्ला घ्यावा. हार्मोन्सचे संतुलन बिघडणे, अशक्तपणा यामुळे देखील जेवणानंतर झोप येते. जेवणानंतर झोप येणे ही एक सामान्य समस्या आहे असे वाटते. परंतु या मागे कोणती कारणे आहेत हे कोणालाच माहिती नसतात. याबद्दल आरोग्य तज्ञांचा सल्ला घ्यावा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.