Healthy Tips: 'या' कारणांमुळे मुलांना ब्रोकोली अन् कोबी आवडत नाही

Healthy Tips: काही मुलांना हिरव्या भाज्या खाण्यास आवडत नाही. पौष्टिकतेने समृद्ध हिरव्या भाज्या ताटात आल्यावर ते त्यांचे तुकडे करू लागतात. ते उपाशी राहतात पण जेवण करत नाहीत. 

यामुळे बहुतांश पालकही त्रस्त होतात. मुले हिरव्या भाज्या का खात नाहीत आता शास्त्रज्ञाला याचे कारण सापडले आहे. चला जाणून घेऊया ब्रोकोली, कोबी यासारख्या हिरव्या भाज्या मुलं का खात नाहीत.

• मुले ब्रोकोली आणि कोबी का खात नाहीत 

एका अभ्यासात असे आढळून आले आहे की, जर एखाद्या लहान मुलगा हिरवी भाजी खात नसेल तर त्यामागे त्यांच्या तोंडात केमिकल असतात. जेव्हा लहान मूल ब्रोकोली, फ्लॉवर, कोबी किंवा स्प्राउट्स यासारख्या गोष्टी खातात, तेव्हा या भाज्यांमधून एंजाइम बाहेर पडतात. जे मुलाच्या तोंडात असलेल्या बॅक्टेरियावर रिएक्ट करु लागतात.

यामुळे सल्फरची रिएक्शन वाढते आणि मुलांच्या तोंडात दुर्गंधी निर्माण होते. या दुर्गंधीमुळे मुले ब्रोकोली, कोबी यांसारख्या भाज्या खाण्यास टाळाटाळ करू लागतात.  मुलांप्रमाणेच पालकांच्या तोंडातूनही तेच एंजाइन बाहेर पडतं, पण त्यांना हा वास येत नाही. कारण त्यांना त्याची सवय झालेली असते.

• शास्त्रज्ञ काय म्हणतात

कॉमनवेल्थ सायंटिफिक अँड इंडस्ट्रियल रिसर्च ऑर्गनायझेशन , कॅनबेरा, ऑस्ट्रेलियाचे प्रमुख डॅमियन फ्रँक यांनी या अभ्यासाचे नेतृत्व केले आहे. ज्यामध्ये लाळेतून बाहेर पडणाऱ्या सल्फरची क्रिया लहान मुलांमध्ये आणि प्रौढांमध्ये सारखीच असते की वेगळी असते याची तपासणी करण्यात आली. या अभ्यासात असे आढळून आले की ब्रोकोली किंवा फुलकोबीची चव त्यातून बाहेर पडणाऱ्या एंजाइनच्या पातळीवर अवलंबून असते. 

• मुलांना हिरव्या भाज्या का आवडत नाहीत

डॉ. फ्रँक यांच्या मते, अन्न आवडणे किंवा नापसंत करणे हे आपल्या सर्वांमध्ये जन्मापासूनच असते. मुलांना अनेकदा गोड पदार्थ आवडतात, पण जेव्हा ते मोठे होऊ लागतात तेव्हा ते मिठाईपासून अंतर ठेवू लागतात. 

काही लोकांच्या लाळेमध्ये नैसर्गिकरित्या जीवाणू आढळतात. हे तोंडी पोकळीमध्ये सल्फरचे उत्पादन सक्रिय करू शकते. हे चव आणि वास दोन्ही प्रभावित करू शकते. या अभ्यासात असे आढळून आले की मुलांमध्ये सल्फरची क्रिया जितकी जास्त होती तितकीच त्यांना ब्रोकोली आणि फुलकोबी आवडत नाही.