चेहरा सुंदर (Beautiful) आणि स्टायलिश दिसण्यासाठी चांगली हेयर कट (Haircut) करणे खूप महत्वाचे आहे. प्रत्येक हेयर कट (Haircut) आपल्या चेहऱ्याला शोभून दिसेलच असे नाही. म्हणून आपल्या चेहऱ्याच्या आकारानुसार (Face shape) हेयर कट करावी. अनेक मुली दुसऱ्या मुलीना पाहून हेयर कट करतात पण ती हेयर कट त्यांच्या चेहऱ्याला शोभून दिसत नाही. तुमचा चेहरा कोणत्या आकाराचा आहे आणि त्यावर कोणती हेयर कट अधिक शोभून दिसेल हे जाणून घेणे आवश्यक आहे.
* राऊंड शेप फेस
गोल चेहरा असणाऱ्या महिलेवर जास्त लांब किंवा छोटे केस शोभून दिसत नाही. या प्रकारच्या महिलाना लाँग बॉब कट, क्वीन हेअरकट, बॉब ग्रॅज्युएशन हेअरकट आणि स्टेप हेअरकट यातील कोणतीही हेयरकट शोभून दिसते. यामुळे तुमचा चेहरा अधिक खुलून दिसतो. तुम्ही कुरळे केस सुद्धा ठेवू शकता.
* ओवल फेस शेप
जर तुमचा चेहरा अंडाकृती आकाराचा असेल तर तुम्ही फेडर कट, पॉइंटी लेयर्स हेअरकट, मल्टी लेयर हेअरकट आणि लाँग लेयर हेअर कट करू शकता. वेव्स किंवा लेयर कट तुमच्या चेहऱ्याला अधिक शोभून दिसेल. स्ट्रेट केस या चेहऱ्याला अधिक चांगले दिसत नाही. श्रद्धा कपूर, कृती सेनन आणि नर्गिस फाखरी यांच्या चेहरा अंडाकृती आहे.
* स्क्वेयर फेस शेप
अनेक महिलांचा चेहरा हा गोल किंवा अंडाकृती असतो. पण चौरस आकार असलेले चेहेरे खूप कमी पाहायला मिळतात. जर तुम्हाला चौरस चेहऱ्याचा आकार समजून घ्यायचा असेल तर करीना कपूर किंवा जॅकलिन फर्नांडिस यांचा चेहरा पाहून कल्पना करू शकता. या चेहऱ्यांवर बॉब क्लासिक हेअरकट, A लाईन लाँग बॉब हेअर कट फुल फ्रिंज हेअरकट आणि पिक्सी हेअरकट शोभून दिसते. या चेहऱ्यावर स्ट्रेट केस शोभून दिसतात.
* हार्ट शेप फेस
हा चेहऱ्याचा आकार आपल्याला क्वचितच दिसतो. पण असा चेहरा असणाऱ्या लोकांवर कोणतीही हेयर कट शोभून दिसते. अशा चेहऱ्यांवर स्ट्रेट केसांसाठी मल्टी लेयर स्टाईल आणि कुरळे केसांसाठी फक्त लेयर हेअरकट अधिक शोभून दिसते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.