Colon Cancer: पोटदुखी अन् गॅसमुळे होऊ शकतो कर्करोग! कोणत्या वयोगटातील लोकांना सर्वाधिक धोका? जाणून घ्या

Rise In Colon Cancer Cases: गेल्या काही वर्षात देशात कर्करोगाच्या रुग्णांच्या संख्येत झपाट्याने वाढ झाली आहे. कर्करोग हा एक असा आजार आहे, जो जगभरातील लोकांना प्रभावित करत आहे. स्तन, फुफ्फुस आणि कोलन असे अनेक प्रकारचे कर्करोग आहेत.
Colon Cancer
Colon CancerDainik Gomantak
Published on
Updated on

गेल्या काही वर्षात देशात कर्करोगाच्या रुग्णांच्या संख्येत झपाट्याने वाढ झाली आहे. कर्करोग हा एक असा आजार आहे, जो जगभरातील लोकांना प्रभावित करत आहे. स्तन, फुफ्फुस आणि कोलन असे अनेक प्रकारचे कर्करोग आहेत. यापैकी कोलन कर्करोग हा सर्वात गंभीर कर्करोग मानला जातो, जो तरुणांनाही प्रभावित करतो. चला तर मग या कर्करोगाविषयी सविस्तररित्या जाणून घेऊया...

कोलन कर्करोग म्हणजे काय?

कोलन कर्करोग (Cancer) हा पोटाच्या कर्करोगाचा एक प्रकार आहे, जो मोठ्या आतड्यांमध्ये सुरु होतो. त्याला पॉलीप्स असेही म्हणतात. येथे पेशींच्या अनियंत्रित वाढीमुळे हा कर्करोग होतो. कोलनला मोठे आतडे असेही म्हणतात. कोलन हा पचनसंस्थेचा एक महत्त्वाचा भाग मानला जातो, म्हणून त्याला पोटाचा कर्करोग म्हणतात.

Colon Cancer
Heart Attack: महिलांनो ह्रदयविकाराचा धोका टाळायचाय का? आहारात करा 'या' गोष्टींचा समावेश

काय सांगतात तज्ञ?

गुडगाव येथील मेदांता हॉस्पिटलमधील ऑन्कोलॉजी सेंटरचे अध्यक्ष डॉ. तेजिंदर कटारिया सांगतात, जर या कर्करोगाची लक्षणे सुरुवातीच्या टप्प्यात समजली तर त्यावर यशस्वीरित्या उपचार करता येतात. परंतु जर विलंब झाला तर त्याचा परिणाम शरीराच्या इतर भागांवरही होतो, ज्यामुळे या कर्करोगाच्या उपचारांना विलंब होण्यासोबतच योग्य परिणाम न मिळण्याची शक्यता देखील वाढते.

कोलन कर्करोग कसा होतो?

कोलन कर्करोग हा जीवनशैलीशी संबंधित आजार आहे. हा कर्करोग खाण्याच्या चुकीच्या सवयींमुळे होतो. जे लोक जास्त आम्लयुक्त पदार्थ खातात किंवा नियमितपणे जास्त तेलकट आणि मसालेदार अन्न खातात त्यांच्या आतड्यांमध्ये समस्या निर्माण होऊ लागतात. अल्कोहोल, सिगारेट आणि तंबाखूच्या सेवनामुळे आतड्यांचे आरोग्य देखील बिघडते. तरुणांमध्ये याचा धोका वाढण्याचे मुख्य कारण म्हणजे अस्वास्थ्यकर जीवनशैली. याशिवाय, काही कारणांमुळे, कौटुंबिक इतिहास देखील कर्करोगाचे कारण बनतो.

Colon Cancer
Heart Health Tips: सिगारेट की अल्कोहोल? हृदयासाठी जास्त धोकादायक काय? जाणून घ्या काय सांगतायेत तज्ञ

कोलन कर्करोगाची लक्षणे

शौचातून रक्त येणे.

पोटात दुखणे आणि वजन कमी होणे.

थकवा आणि अशक्तपणा.

पोटात सतत सूज, फुगणे आणि जडपणा जाणवणे.

वारंवार अतिसार.

कोलन कर्करोगावर उपचार काय आहेत?

शालीमार बाग येथील मॅक्स हॉस्पिटलमधील कॅन्सर केअरच्या मेडिकल ऑन्कोलॉजीचे संचालक डॉ. कुमारदीप दत्ता चौधर सांगतात, पूर्वी हा कर्करोग 50 वर्षांच्या वयानंतर होत असे, परंतु आता हा कर्करोग लहान वयोगटातही होऊ लागला आहे. डॉक्टरांच्या मते, जर 50 वर्षांपेक्षा कमी वयाच्या कुटुंबातील एखाद्याला कोलन कर्करोग झाला असेल, तर भविष्यात त्याच्या कुटुंबात हा कर्करोग होण्याची शक्यता वाढते. या आजारावरील उपचारांबद्दल बोलायचे झाल्यास, सामान्यतः शस्त्रक्रिया, केमोथेरपी, रेडिएशन थेरपी आणि इम्युनोथेरपी सारख्या पद्धतींचा अवलंब केला जाऊ शकतो. तथापि, ही प्रक्रिया सर्व रुग्णांसाठी त्यांच्या आरोग्यानुसार आणि कर्करोगाच्या टप्प्यानुसार वेगवेगळी असू शकते.

Colon Cancer
Heart Attack Prevention Tips: हृदयविकार टाळण्यासाठी आहारात काय बदल करावे? वाचा तज्ज्ञांचा सल्ला

प्रतिबंधात्मक उपाय

दरम्यान, या कर्करोगापासून बचाव करण्यासाठी तुम्हाला तुमच्या जीवनशैलीत बदल करावे लागतील. संतुलित आहार (Diet) आणि नियमित व्यायामासोबत धूम्रपान, मद्यपान इत्यादी गोष्टी टाळा. लाल मांस आणि प्रक्रिया केलेले पदार्थ टाळा. तसेच, फायबरयुक्त पदार्थांचे सेवन करा. 45 वर्षांच्या वयानंतर कोलन कर्करोगाची वर्षातून एकदा तपासणी करावी.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com