Chaitra Navratri 2023: नवरात्रीत कांदा-लसूणाविना बनवा 'हे' 3 प्रकारचे सात्विक रायता

Chaitra Navratri 2023 Special Recipes: चैत्र नवरात्रीला सुरुवात झाली असून या काळात अनेकजण माता देवीला प्रसन्न करण्यसाठी उपवास करत असतात. या काळात खाण्यापिण्याच्या कमतरतेमुळे तुम्हाला अशक्तपणा किंवा पाण्याच्या कमतरतेमुळे डिहायड्रेशन होउ शकते.

या काळात आपण आपल्या आहारात अशा गोष्टींचा समावेश करणे गरजेचे आहे जे शरीराला वेळोवेळी रिहायड्रेट ठेवते. आपले पोट थंड ठेवण्यासाठी विविध पेयांचा समावेश करावा. या दरम्यान तुम्ही कांदा आणि लसूणशिवाय या गोष्टींनी बनवलेल्या रायत्याचे सेवन करू शकता.

• काकडीचा रायता

काकडीमध्ये 90 टक्के पाणी असते. या रायताचे सेवन केल्यास नवरात्रीच्या काळात उष्णता आणि पाण्याची कमतरता जाावणार नाही. यासोबतच हा रायता पोटाला थंडावा आणि शरीराचे तापमान संतुलित ठेवतो.

म्हणून उपवासाच्या वेळी रोज 1 वाटी दही घ्या, नंतर त्यात किसलेली काकडी घाला. वरून थोडी काळी मिरी आणि जिरे परतून घ्या आणि बारीक झाल्यावर मिक्स करा. हिरवी मिरची आणि कोथिंबीर चिरून मिक्स करा रायता तयार आहे.

• दुधी भापळ्याचा रायता

दुधी भापळ्याचा रायता उपवासाच्या वेळी बद्धकोष्ठतेची समस्या टाळण्यास मदत करू शकते. पोटाला हायड्रेट करण्यासोबतच या रायत्याचे सेवन केल्यास शरीरातील इतर अवयवांचे कार्य जलद होण्यास मदत होते.

तसेच, हे पोट आणि आतड्यांसंबंधी हालचालींच्या चयापचय गतीला गती देते. यामुळे तुम्ही उपवास दरम्यान बद्धकोष्ठतेपासून दूर राहू शकता. म्हणून, दुधी भोळ्याचा तुकडा कापून उकळवा. गार झाल्यावर मॅश करून त्यात दही आणि मीठ टाकून सेवन करावे.

• पालक रायता

पालक खाणे आरोग्यासाठी फायदेशीर असते. हा रायता शरीराला ऊर्जा देण्याचे काम करू शकते. हा रायता खाल्ल्याने शरीर आणि मेंदूला ऊर्जा मिळते आणि शरीर दिवसभर आरामात काम करू शकते.

त्यामुळे पालक धुवून 2 ते 3 शिट्ट्या करुन घ्यावे. त्यानंतर ते मॅश करा आणि नंतर त्यात रॉक मीठ आणि दही घालावे. हिरव्या मिरच्या आणि कोथिंबीर चिरून मिक्स करावे.