Brown Rice: वजन कमी करण्यासाठी 'हा' भात ठरेल उपयुक्त

Brown Rice: याबरोबरच कॅल्शिअममुळे तुमचे दातदेखील मजबूत होतात.
Weight loss
Weight lossDainik Gomantak
Published on
Updated on

Brown Rice: आपल्यापैकी अनेकांना रोजच्या जेवणात भात नसेल तर पोट भरल्यासारखे वाटत नाही. आपल्याला अनेकदा हे सांगितले जाते भात खाल्ल्याने वजन वाढते. त्यामुळे अनेकजण भात खाणेदेखील बंद करतात. मात्र तुम्हाला हे माहीती आहे का?

पांढऱ्या भाताऐवजी आपण लाल तांदळाचा भात खाऊ शकतो. महत्वाचे म्हणजे लाल तांदळाचा भात आपल्या आरोग्यासाठी अत्यंत उपयोगी असतो. चला तर जाणून घेऊयात लाल तांदळाच्या भाताचा आपल्या शरीराला काय फायदे होतात.

१. कॅल्शिअमचे प्रमाण भरपूर

लाल तांदळामध्ये कॅल्शिअमचे प्रमाण जास्त असते. त्यामुळे जर तुम्ही नियमितपणे लाल तांदळाचा भात खाण्यास सुरुवात केली किंवा आहारात समावेश केला तर तुमच्या शरीरातील कॅल्शिअमची कमतरता नाहीशी होईल. याबरोबरच कॅल्शिअममुळे तुमचे दातदेखील मजबूत होतात.

२. वजन कमी होते

जर तुम्हाला भात खाऊन वजन कमी करायचे असेल तर तुम्ही पांढऱ्या तांदळाच्या भाताऐवजी लालतांदळाचा भात खाल्ला पाहिजे. यामध्ये कॅलरीजचे प्रमाण कमी असते. त्यामुळे शरीराला आवश्यक पोषक घटकही शरीराला मिळतात आणि तुमचे वजनही कमी होते.

Weight loss
Food For Diabetic Patients: मधुमेह असलेल्या रुग्णांनी 'या' भाज्या खाल्ल्याच पाहिजेत

३. मधुमेहांच्या रुग्णांसाठी फायदेशीर

मधुमेहाच्या रुग्णांसाठी लाल तांदळाचा भात अत्यंत उपयुक्त मानला जातो. रक्तातील साखर नियंत्रित राहण्यास मदत करते. लाल तांदळाच्या भातामुळे तुमची प्रकृती उत्तम राहते.

४. अँटीऑक्सिडंटचे प्रमाण जास्त

सेलेनियम, विटामिन सी आणि बीटा-कॅरोटीन हे महत्वाचे अँटीऑक्सिडंट लाल तांदळामध्ये आढळतात. त्यामुळे हा भात ज्याला ब्राऊन राइस असेदेखील म्हटले जाते तो आपल्या आरोग्यासाठी अत्यंत फायदेशीर मानला जातो.

५. कोलेस्ट्रोल होते कमी

ज्यांना कोलेस्ट्रोलच्या समस्येने ग्रासलेले असते, त्यांच्यासाठीदेखील लाल तांदळाचा भात उपयुक्त मानला जातो. यामध्ये मोनाकोलिन या घटकाचे प्रमाण आढळत असल्याने तुमच्या शरीरातील कोलेस्ट्रॉल नियंत्रणात राहते. तसेच तुमचे हृदयाचे आरोग्यदेखील उत्तम राहते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com