Online Friendship: डिजिटल जाळ्यात अडकू नका, ऑनलाइन मित्र निवडताना घ्या खबरदारी!

सध्याच्या डिजिटल युगात, सोशल मीडिया आणि ऑनलाइन चॅटिंग ॲप्समुळे नवीन मित्र जोडणे अतिशय सोपं झालं आहे. मात्र, ऑनलाइन मैत्री करताना सावधगिरी बाळगली नाही, तर ती महागात पडू शकते. अनेक सायबर गुन्हेगार सोशल मीडियाचा गैरवापर करून लोकांची फसवणूक करत असतात.

बऱ्याचदा अनोळखी व्यक्ती मैत्रीच्या बहाण्याने जवळ येतात आणि नंतर पैशाची मागणी करतात. विशेषतः डेटिंग ॲप किंवा सोशल मीडियावर सुरू झालेल्या संवादातून आर्थिक फसवणूक होण्याच्या अनेक घटना समोर आल्या आहेत.

काही लोक बनावट प्रोफाइल तयार करून मैत्री करताना आपली गुप्त माहिती जाणून घेतात. नंतर ते या माहितीकडून ब्लॅकमेलिंग किंवा फसवणूक करण्याचा प्रयत्न करतात.

काही वेळा ऑनलाइन मैत्रीमध्ये भावनिक गुंतवणूक होते. जर समोरच्या व्यक्तीचा हेतू चुकीचा असेल, तर तो व्यक्ती भावनांचा गैरफायदा घेऊन मोठी फसवणूक करू शकतो.

अनेक वेळा लोक लांबूनच ऑनलाइन संबंध ठेवतात आणि समोरच्या व्यक्तीवर पूर्ण विश्वास ठेवतात. मात्र, काही वेळा हे लोक फसवणूक करणारे असतात, जे भावनिक आणि आर्थिक शोषण करतात.

सावधगिरी कशी बाळगावी?

कोणत्याही नवीन व्यक्तीशी मैत्री करताना त्याचे प्रोफाइल नीट तपासा. जर प्रोफाइलवरील माहिती कमी असेल किंवा फोटो बनावट वाटत असतील, तर त्यावर विश्वास ठेवू नका.

फोन नंबर, बँक खात्याची माहिती, ओटीपी किंवा कोणतीही खासगी माहिती शेअर करण्यास टाळा.जर समोरची व्यक्ती सतत व्हिडीओ कॉल टाळत असेल, तर तो संशयास्पद असू शकतो.

फसवणुकीच्या घटनांबाबत जागरूक रहा

नेहमी सायबर गुन्हेगारीच्या नव्या पद्धतींबाबत माहिती ठेवा आणि कोणतीही संशयास्पद बाब दिसल्यास त्वरित पोलिसांकडे तक्रार करा.

ऑनलाइन मैत्री करणे काही चुकीचे नाही, पण ती करताना योग्य खबरदारी घेणे गरजेचे आहे. अनोळखी लोकांवर सहज विश्वास ठेवू नका आणि कोणतीही आर्थिक देवाणघेवाण टाळा. सायबर गुन्हेगारीपासून सुरक्षित राहण्यासाठी सतर्क राहणे आणि वेळोवेळी योग्य खबरदारी घेणे आवश्यक आहे.