Ranveer Singh: सिंबाच्या फिटनेसचं रहस्य काय!

बॉलीवूडच्या सर्वात स्टाइलिश अभिनेत्याचा विचार केला तर सर्वात आधी रणवीर सिंगचे नाव घेतले जाते. तो केवळ चित्रपटातच नाही तर वैयक्तिक आयुष्यातही तो खूप उत्साही असतो. त्यामुळए त्याच्या फॅन्सना त्याच्यासारखे बनण्याची इच्छा असते. पण तुम्हाला माहित आहे का त्याच्या फिटनेस आणि स्फूर्तीचे रहस्य काय आहे?

'आस्क मी एनिथिंग' सत्रादरम्यान रणवीर सिंगने त्याच्या फिटनेसची रहस्य चाहत्यांसोबत शेअर केले. जेव्हा रणवीरला विचारण्यात आले की तू नाश्त्यात काय खातो तेव्हा तो म्हणाला, “मी दिवसाची सुरुवात 130 ग्रॅम ओट्स, 15 ग्रॅम नट आणि 5 ग्रॅम चॉकलेट चिप्सने करतो.

रणवीर दररोज शिलाजित खातो

यानंतर रणवीरन सकाळी इम्युनिटी-बूस्टिंग शॉट्स सोबत डिटॉक्स ड्रिंक घेतो. हे सर्व केल्यानंतर, तो प्रोबायोटिक पेय आणि शिलाजित –अश्वगंधा आणि खजूराचे लाडू घेतो.

शिलाजीत खाण्याचे काय फायदे

शिलाजीत टेस्टोस्टेरॉन (एक प्रकारचा हार्मोन) वाढवण्याचे काम करते. शिलाजीत हे आयुर्वेदिक उपायांसाठी ओळखले जाते आणि शरीरात सकारात्मक बदल घडवून आणण्यासाठी ते प्रभावी असल्याचे मानले जाते. शिलाजीत आणि अश्वगंधा दोन्ही चिंता आणि तणाव पातळी कमी करण्यास मदत करतात.

रणवीर लवकरच 'सर्कस', 'रॉकी और रानी की प्रेम कहानी'मध्ये दिसणार आहे. तो अखेरचा 83 चित्रपटात दिसला होता. यामध्ये त्यांनी कपिल देव यांची भूमिका साकारली होती.