चर्चा तर होणारच! महाराष्ट्राचे वातावरण तापले असताना आदित्य ठाकरे तिरूपती दौऱ्यावर

महाराष्ट्रातील राजकारण तापलं आणि नार्वेकरांच्या हट्टापायी महत्वाची बैठक सोडून आदित्य ठाकरे दक्षिण भारताच्या दौऱ्यावर गेले.

मुख्यमंत्री उद्धव ठाकरे हे खासदारांसह अन्य नेत्यांच्या बैठकांवर बैठका घेत असतानाच राज्याचे पर्यटन मंत्री आदित्य ठाकरेंना शिवसेनेचे सचिव मिलिंद नार्वेकरांनी दोन दिवसांसाठी दक्षिणेत का घेवून गेलेत असा प्रश्न उपस्थित होत आहे.

दाक्षिणात्य व्यंकटेश्वराच्या दर्शनापासून तिरुमला तिरुपती देवस्थानच्या कार्यक्रमांना आदित्य ठाकरेंना नेत नार्वेकरांनी विश्वस्त सहकाऱ्यांवर छाप पाडली.

नार्वेकरांच्या या हट्टापायी आदित्य ठाकरेंना शिवसेना खासदारांच्या बैठकीला दांडी मारावी लागल्याची चर्चा महाराष्ट्रात चांगलीच रंगली आहे.

आदित्य ठाकरेंसह मिलिंद नार्वेकर, सूरज चव्हाण आणि राहुल कनाल हे खासगी विमानाने आज सकाळी तिरुपतीला पोहचले.

दर्शन आटोपल्यानंतर त्यांनी विश्वस्तांसोबत चर्चा केली. त्यानंतर तिरुमला तिरुपती देवस्थानचे अध्यक्ष सुब्बा रेडी यांची आदित्य ठाकरे आणि नार्वेकरांनी भेट घेतली.

देवस्थानला नवी मुंबईत दिलेल्या जागेसह प्रत्यक्ष कामाबाबत त्यांच्याच चर्चा झाल्याचे सांगण्यात आले.