Vasco News : वास्को, बिर्ला-झुआरीनगर येथील झुआरीनगर पोलिस चौकीच्या मागील बाजूस असलेल्या सांकवाळ कोमुनिदादच्या जागेवर अतिक्रमण करून बांधलेली ६४ पैकी सुमारे १८ बांधकामे बुधवारी जमीनदोस्त करण्यात आल्यानंतर उरलेली बांधकामे हटवण्याची कारवाई आज गुरुवारी सकाळी सुरू करून उर्वरित ४६ बांधकामे पाडण्यात आली, अशी माहिती सांकवाळ कामुनिदादचे अध्यक्ष प्रताप म्हार्दोळकर यांनी दिली.
बेकायदेशीर बांधकामे हटवताना कायदा व सुव्यवस्थेचा प्रश्न निर्माण होऊ नये यासाठी मोठा पोलिस बंदोबस्त तैनात होता. वेर्णा पोलिस निरीक्षक नेल्सन कोलाको यांच्या नेतृत्वाखाली पोलिस यावेळी स्थितीवर लक्ष ठेवून होते.
बेकायदेशीर बांधकामे पाडण्याच्या मोहिमेवर देखरेख ठेवण्यासाठी मामलेदार आणि उपजिल्हाधिकारी कार्यालयातील अधिकारीही उपस्थित होते. काही घरमालकांनी त्यांच्या वास्तू पाडण्याला स्थगिती मिळावी यासाठी न्यायालयात धाव घेतली, परंतु त्यांचे काहीच चालले नाही.
सांकवाळ कोमुनिदादच्या सर्वे क्रमांक १५४/१ व ९०/१ जमिनीवर अतिक्रमण करून सुमारे ६४ घरे उभी राहिली होती. ही बांधकामे हटविण्याबाबत कोमुनिदादचे ॲटर्नी जयेश फडते यांनी मुंबई उच्च न्यायालयाच्या गोवा खंडपीठात धाव घेतली होती.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.