अटल बिहारी वाजपेयी यांच्या जयंतीनिमित्त सांगेत युवकांची दुचाकी रॅली

केपे: भारतरत्न माजी पंतप्रधान स्व.अटल बिहारी वाजपेयी यांच्या 97 व्या. जयंती निमित्त सांगे युवा मंडळ व सांगे मंडळातर्फे सांगेचे माजी आमदार सुभाष फळदेसाई यांच्या नेतृत्वाखाली भव्य अशी दुचाकी रॅली काढण्यात आली.

जांबावली येथील दामोदर देवाला नमन करून सदर रॅलीला (Rally) प्रारंभ करण्यात आला. यावेळी सुभाष फळदेसाई यांच्याबरोबर राष्ट्रीय युवा महिला उपाध्यक्ष अर्पिता जिल्हा पंचायत सदस्य सुरेश केपेकर व मोठ्या ससंख्येने युवा कार्यकर्ते व महिला (Women) या रॅलीत सहभागी झाल्या होत्या. यावेळी सुभाष फळदेसाई यांनी सांगितले की भारतरत्न अटल बिहारी वाजपेयी (Atal Bihari Vajpayee) ह्यांच्या मुळे देशाचे नाव उज्वल झाले असून त्यांचे नाव भारतातील (India) प्रत्येक नागरिक आदराने घेत आहेत व यावरून त्यांची लोकप्रियता कळून येते असे त्यांनी सांगितले.

सुभाष फळदेसाई यांनी या रॅलीत आपले जबरदस्त शक्ती प्रदर्शन केले. सदर रॅली जांबावली येथून सुरू करण्यात आली ती नेत्रावळी, वाडे, भाटी, वालकीनी उगे या नंतर या रॅलीचा समारोप सांगे बस स्थानकावर करण्यात आला.