Goa Crime News : अमली पदार्थ बाळगल्याप्रकरणी बिहारच्या युवकास अटक

Goa drug Case : केंद्रीय नार्कोटिक कंट्रोल ब्युरो गोवा पथक व रेल्वे सुरक्षा दलाच्या संयुक्त कारवाईत एकाला अंमली पदार्थ बाळगल्याप्रकरणी अटक करण्यात आली आहे. दोन्ही पथकांनी मडगाव रेल्वे स्थानकावर संयुक्त कारवाई केली.

पोलिसांनी दिलेल्या माहितीनुसार, संशयित अविनाश चंद्रा मडगाव रेल्वे स्थानकावर बिहारहून अमली पदार्थ घेऊन आला होता. याबाबतची माहिती मिळताच आरपीएफ मडगाव पोलीस व पणजी येथील एनसीबी पथकाने संयुक्त कारवाई राबवत छापा टाकला. ही कारवाई रविवारी करण्यात आली.

या छाप्यात संशयित अविनाश चंद्रा याच्याकडे 3 किलो गांजा सापडला. आंतरराष्ट्रीय बाजापेठेत जप्त केलेल्या गांजाची किमंत 3 लाख रुपये आहे. संशयिताविरुद्ध एनसीबीने गुन्हा दाखल केला असून पुढील तपास सुरू आहे.

शुक्रवारी अमली पदार्थ बाळगल्याप्रकरणी पश्चिम बंगालमधील एका युवकास गोवा पोलिसांनी अटक केली होती. सुकुमार अमल महांता (वय 27 वर्षे) असे अटक करण्यात आलेल्या संशयित व्यक्तीचे नाव आहे. त्याच्याकडे 1723 ग्रॅम अमली पदार्थ आढळून आला आहे. त्याची बाजारातील किंमत 1 लाख 80 हजार रूपये इतकी आहे.