Quepem: वर्षाच्या अखेरच्या दिवशी कासव पकडण्यासाठी गेलेल्या दोघांचा नदीत बुडून दुर्दैवी मृत्यू

Quepem: वर्षाच्या अखेरच्या दिवशी नुने-सांगे येथील दोन युवकांचा दुर्दैवी अंत झाला. काल सकाळी नुने-सांगे येथील नदीत कासव पकडण्यासाठी गेलेले सतीश पावटो गावकर (35) आणि रामदास पुरसो गावकर (40) यांचा पाण्यात बुडून दुर्दैवी मृत्यू झाला.

नुने-सांगे येथील सतीश गावकर, रामदास गावकर आणि आणखी एक युवक असे तिघे मिळून नदीवर कासव पकडण्यासाठी गेले होते. संध्याकाळपर्यंत ते परत न आल्याने लोकांनी त्यांची शोधाशोध करण्यास सुरुवात केली.

या नदीतील दगडाच्या गुहेत कोणीतरी अडकून पडल्याचे दिसताच लोकांनी त्यापैकी एकाला ओढून बाहेर काढले; परंतु सतीश आणि रामदास यांचा पाण्यात बुडून मृत्यू झाला. त्यांचे मृतदेह गुहेत बरेच आतमध्ये अडकून पडले. रात्री 9 वाजता अग्निशामक दलाने लोकांच्या मदतीने दोन्ही मृतदेह बाहेर काढले.