Taleigao Accident: विजेचा शॉक लागून 24 वर्षीय कामगाराचा दुर्दैवी मृत्यू; ताळगावातील हृदयद्रावक घटना

Worker Electrocuted While Turning On Fan at Construction Site in Taleigao

पणजी: ताळगावातून एक धक्कादायक घटना समोर आली आहे. पंखा सुरु करण्याच्या प्रयत्नात विजेचा शॉक लागून एका कामगाराचा मृत्यू झाला. राजीव साहनी (वय, वर्ष 24) असे कामगाराचे नाव आहे.

काय आहे नेमकं प्रकरण?

पंखा सुरु करण्याच्या प्रयत्नात विजेचा शॉक लागून 24 वर्षीय राजीवचा मृत्यू झाला. ताळगाव (Taleigao) येथे बांधकाम सुरु असलेल्या एका ठिकाणी ही घटना घडली. राजीव हा चौथ्या मजल्यावर आराम करत होता. त्यावेळी तिथे असलेला पंखा सुरु करण्याचा प्रयत्न त्याने केला. या प्रयत्नात त्याला विजेचा शॉक बसला आणि तो मरण पावला. उपचारासाठी त्याला गोवा मेडिकल कॉलेज येथे नेण्यात आले. मात्र, रुग्णालयात पोहोचण्यापूर्वीच त्याचे निधन झाल्याचे डॉक्टरांनी सांगितले.

पालये-पेडणे येथे 18 वर्षीय तरुणाचा मृत्यू

काही दिवसांपूर्वी, पालये-पेडणे येथे एका 18 वर्षीय मुलाचा हॉलिबॉल खेळताना विजेचा शॉक लागून मृत्यू झाल्याची घटना समोर आली होती. पीडित तरुण आपल्या मित्रांसोबत व्हॉलिबॉल खेळत होता. याचदरम्यान, लगतच्या विजेच्या खांबाला त्याचा स्पर्श झाला. स्पर्श झाल्यावर लगेच तो धक्का लागून जमिनीवर कोसळला आणि तिथेच त्याचा मृत्यू झाला.