Taleigao Accident: ताळगाव येथे उभ्या असलेल्या कारला दुचाकीची धडक बसून एकजण दगावला

Accident At Taleigao

पणजी: ताळगाव येथे दुचाकी कारवर आदळल्याने झालेल्या अपघातात दुचाकीस्वाराचा मृत्यू झाला असून अन्य दुचाकीस्वार जखमी झाला आहे.

पणजी पोलिसांनी दिलेल्या माहितीनुसार आज सकाळी सहा वाजण्याच्या सुमारास सिंक एज हॉटेलजवळ हा अपघात झाला. या अपघातामध्ये मोटारसायकल (जीए-०७-एडी-८४०३) चालविणाऱ्या क्लम डर्लामी (वय ३० वर्षे, रा. ताळगाव) या शेफचा जागीच मृत्यू झाला. दुचाकीवर त्याच्यासोबत मागे बसलेला प्रवासी बिशाल घर्ती (वय २२ वर्षेे) हा शेफ गंभीर जखमी झाला. दुचाकीने सिंक एज हॉटेलजवळ पार्क केलेल्या पांढऱ्या रंगाच्या मारुती सुझुकी एर्टिगा गाडीला जोरदार धडक दिली.