मडगाव: अखेर गोवा घनकचरा व्यवस्थापन महामंडळाने सोनसोडो कचरा प्रक्रिया प्रकल्पात दाखल होऊन तेथील जुन्या प्रकल्पात तुंबलेला कचरा बाहेर काढून त्याचे बायोरेमेडिएशन सुरू केले आहे. प्रकल्पात सुमारे चौदा हजार टन कचरा साठलेला असून गेल्या आठवड्यात मंत्री बाबूश मोन्सेरात यांनी संबंधित आमदारांसमवेत सोनसोडोला भेट देऊन केलेल्या पाहणीनंतर महामंडळाला सूचना केली होती व त्यानुसार हे काम सुरू झाले आहे.
यापूर्वी 2020 मध्ये प्रकल्पात असाच कचरा तुंबला होता व तो बाहेर काढण्यासाठी पालिकेने 80 लाखांवर रक्कम खर्च केली होती.
सध्या हा कचरा रेमिडिएशनसाठी सध्या तेथे चार मल्टिडेक स्क्रीन कार्यरत आहेत. शिवाय अन्य अवजड यंत्रेही आहेत. दुसरीकडे तेथील राशी स्वरूपातील कचऱ्याचे रेमिडीएशन प्रगतिपथावर आहे, असे सुत्रांनी सांगितले.
दरम्यान, मडगावातील रोज गोळा होणाऱ्या कचऱ्यावर प्रक्रिया करण्यासाठीही महामंडळाने इच्छुकांकडून इच्छा प्रस्ताव मागविले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
