फातोर्डा: कपडे सुकत घालताना तोल जाऊन खाली कोसळल्याने रावणफोंड येथील अंकिता थिम्बोडिया (29) या महिलेचा मृत्यू झाल्याची तक्रार मडगाव पोलिसांत (Margao) नोंद झाली आहे. मिळालेल्‍या माहितीनुसार, गुरुवार दि. 9 डिसेंबर रोजी ही दुर्घटना घडली.
नालंदा अपार्टमेंटमधील आपल्या घरी कपडे सुकविण्यासाठी ती जिने चढून वर गेली असता खाली पडली, असे तिचा नवरा सागर थिम्बोडिया याने सांगितले. जखमी अवस्‍थेत तिला तात्काळ मडगाव येथील दक्षिण गोवा जिल्हा हॉस्पिटलमध्ये दाखल करण्यात आले, परंतु डॉक्टरांनी तिला मृत घोषित केले. दरम्‍यान, मयत महिलेने नुकताच एका मुलाला जन्म दिला होता.
प्रसूतीनंतर तिला अशक्तपणा आला होता. कदाचित यामुळेच ती तोल जाऊन खाली पडली असावी असे नवऱ्याचे म्‍हणणे आहे. हा मृत्यू अनैसर्गिक म्हणून नोंद झाला असला तरी तिच्या लग्नाला सात वर्षे पूर्ण न झाल्याने तपास दक्षिण गोवा जिल्हाधिकारी कार्यालयातर्फे करण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
