पत्नीने व्हिडिओ कॉलवर बोलण्यास नकार दिल्यामुळे बाळ्ळी येथे ३२ वर्षीय युवकाने आत्महत्या केल्याचा धक्कादायक प्रकार उघडकीस आला आहे. अमर शर्मा असे या युवकाचे नाव असून तो मूळ उत्तर प्रदेशमधील रहिवासी असल्याची माहिती समोर आली आहे. पोलिस घटनास्थळी दाखल झाले असून, अधिक तपास सुरु आहे.
कुंकळ्ळी पोलिसांनी याप्रकरणी अनैसर्गिक मृत्यूची नोंद केली आहे. पोलिसांनी दिलेल्या माहितीनुसार, अमर रोजगाराच्या निमित्ताने दीड महिन्यापूर्वी गोव्यात आला होता. एका सलूनमध्ये तो कामाला होता.
बुधवारी रात्री त्याने पत्नीला व्हिडिओ कॉल केला मात्र, पत्नीने कॉलवर बोलण्यास नकार दिला. याप्रकारामुळे रागवलेल्या अमरने टोकाचा निर्णय घेत राहत्या खोलीत गळफास घेऊन आत्महत्या केली.
कुंकळ्ळी अग्निशमन दलाच्या जवांनी अमर राहत असलेल्या खोलीत प्रवेश करुन मृतदेह ताब्यात घेतला. त्याचा मृतदेह शवचिकित्सा करण्यासाठी दक्षिण गोवा जिल्हा रुग्णालयात पाठविण्यात आला आहे.
प्राप्त माहितीनुसार, मिर्झापूर येथील रहिवासी अमर नागेंद्र शर्माला दोन मुले असल्याचे समजते. पत्नी आणि मुलांना गावी ठेऊन तो रोजगारासाठी गोव्यात गोव्यात आला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.