सरकारी जमिनीतच सरकारी प्रकल्पाला विरोध का? हा कुठला न्याय? असा प्रश्न मुख्यमंत्री डॉ. प्रमोद सावंत यांनी उपस्थित करुन, कुडचिरे येथील नियोजित प्रकल्पाविषयी स्थानिकांच्या नकारात्मक भूमिकेबद्धल संताप व्यक्त केला.
कुडचिरे येथील नियोजित प्रकल्प हा कचरा प्रकल्प नसून, वेस्ट मॅनेजमेंट महामंडळातर्फे ‘सी अँड डी’ प्रकल्प उभारण्याचा प्रस्ताव आहे. कुडचिरे गावावर प्रदूषणकारी प्रकल्प लादण्याचा सरकारचा विचार नाही, असे मुख्यमंत्री डॉ. सावंत यांनी स्पष्ट करुन, नियोजित प्रकल्पाला विरोध करणाऱ्या कुडचिरे येथील लोक गावात सरकारी जमिनीवर बेकायदेशीरपणे चालणारा चिरेखाणींचा व्यवसाय मान्य आहे काय? असा प्रश्न मुख्यमंत्री डॉ. सावंत यांनी उपस्थित करुन, नियोजित प्रकल्पावरून विरोधक कुडचिरेवासियांना भडकावत आहेत. असा आरोप केला.
कुडचिरे येथील नियोजित प्रकल्पावरून वाद पेटल्यानंतर आज (बुधवारी) मुख्यमंत्री डॉ. सावंत यांनी प्रथमच या विषयावर जाहीर भाष्य केले. अस्नोडा बगलमार्गाच्या पायाभरणी सोहळ्यात मुख्यमंत्री डॉ. प्रमोद सावंत यांनी प्रकल्पाला विरोध करणाऱ्या कुडचिरेवासीयांसह विरोधकांचा खरपूस समाचार घेतला.
कुडचिरे येथील श्री बाराजण देवस्थान परिसरात वेस्ट मॅनेजमेंट महामंडळातर्फे प्रकल्प उभारण्याचा प्रस्ताव आहे. मात्र या प्रकल्पाला कुडचिरेवासियांचा ठाम विरोध आहे. गेल्या गुरुवारी नियोजित प्रकल्पासाठी पोलिस बंदोबस्तात भू-सर्वेक्षण करण्यात आले आहे. त्यावेळी महिलांसह कुडचिरेतील संतप्त लोकांनी रस्त्यावर उतरून भू-सर्वेक्षण रोखण्याचा प्रयत्न केला. त्यावेळी कुडचिरे गावात वातावरण काहीसे तणावग्रस्त बनले होते. त्यानंतर प्रकल्पाच्या मुद्यावरून गेल्या रविवारी झालेल्या खास ग्रामसभेत कुडचिरेवासियांनी शक्तीप्रदर्शन करुन, प्रकल्प विरोधात एकमताने ठरावही मंजूर केला आहे. या प्रकल्पाच्या मुद्यावरुन अजूनही गावात किंचित तणावग्रस्त वातावरण आहे
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.