Madkai News : मडकई मतदारसंघातून मताधिक्‍य का घटले? भाजप कार्यकर्त्यांचा सुदिन ढवळीकर यांना प्रश्‍‍न

Madkai News : बेताल वक्‍तव्‍य टाळण्‍याचा दिला सल्‍ला; कारवाईची मागणी
Madkai
Madkai Dainik Gomantak

Madkai News :

फोंडा, लोकसभा निवडणुकीत भाजप उमेदवाराला कमी मते पडली, त्याला भाजप कार्यकर्तेच कारणीभूत असल्याचा मडकई मतदासंघाचे आमदार तथा वीजमंत्री सुदिन ढवळीकर यांनी केलेला आरोप पूर्णत: चुकीचा असून, असे बेताल वक्तव्य करणाऱ्या सुदिन ढवळीकर यांना आधी मंत्रिमंडळातून काढून टाका, अशी जोरदार मागणी भाजप मंडळ तथा मडकई मतदारसंघातील भाजप कार्यकर्त्यांनी केली आहे.

तसेच गतवेळच्‍या तुलनेत मडकई मतदारसंघातून मताधिक्‍य का घटले, असा प्रश्‍‍नही त्‍यांनी केला आहे. सुदिन ढवळीकर यांच्यावर आधी कारवाई करा, असेही या कार्यकर्त्यांनी सांगितले.

Madkai
Goa Todays Update: जीएसटी कौन्सिलच्या कायमस्वरुपी सदस्यपदावरुन मॉविन गुदिन्हो यांची उचलबांगडी

फोंड्यात शुक्रवारी (ता.१४) घेतलेल्या पत्रकार परिषदेत ही मागणी सुदेश भिंगी व इतर कार्यकर्त्यांनी केली. यावेळी संतोष रामनाथकर, प्रशांत नाईक, जयराज नाईक, दिनेश वळवईकर, सुभाष गावडे आदी उपस्थित होते.

बूथ क्रमांक १८वर अत्‍यंत कमी मते

गेल्या विधानसभा निवडणुकीवेळी भाजप उमेदवाराला ४ हजार मते, तर मगोप उमेदवाराला १३ हजार ९६३ मते पडली. ही एवढी मते लोकसभा निवडणुकीत का पडली नाहीत? याचे उत्तर सुदिन ढवळीकर यांनी खरे म्हणजे द्यायला हवे होते, असे सांगत मडकई मतदारसंघातील बूथ क्रमांक १८वर अत्‍यंत कमी मते भाजप उमेदवाराला कशी काय पडली, त्याचाही विचार मगोपच्‍या नेत्‍यांनी करावा, असा सल्‍ला दिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com