Sanjivani Sugar Factory: संजीवनी सहकारी साखर कारखान्यातील कंत्राटी कर्मचारी दोन महिन्यांपासून वेतनापासून वंचित आहेत. असे असुनही या कर्मचाऱ्यांनी आता या वयात आम्हाला कोण काम देणार, आम्हाला काढून टाकू नका, असे म्हणत कारखाना प्रशासनाकडे विनवणी केली आहे.
या कामगारांनी म्हटले आहे की, गेले दोन महिने आम्हाला पगार नाही. त्यामुळे आमची रोजी रोटी बंद झाली आहे. या वयात आम्हाला कुणीही काम देणार नाही. आमचे आयुष्य आम्ही या कारखान्यासाठी घालविले आहे. तेव्हा आम्हाला काढुन टाकु नका.
संजीवनी कारखान्यात जर आम्हाला काम नसेल तर अन्य कुठेही आम्हाला कायम काम द्या. तसेच गेल्या दोन महिन्यांचा पगार द्या, अशी विनंती कंत्राटी कामगारांनी केली आहे. या कामगारांची संख्या 80 इतकी आहे.
दरम्यान, संजीवनी सहकारी साखर कारखान्याचे 184 निवासी गाळे आहेत. त्यापैकी 60 निवासी गाळे सुस्थितीत असुन भाडेपट्टीवर दिले आहेत. उर्वरित गाळे दुरुस्ती केल्यास तिजोरीत भर पडू शकते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.