अल्पवयीन मुलीवर अत्याचार, टँकर चालकाला बेड्या

पणजी : अल्पवयीन मुलीवर अत्याचार केल्याप्रकरणी पर्वरी पोलिसांनी एका नराधमाला बेड्या ठोकल्या आहेत. आरोपी व्यक्ती हा पाण्याच्या टँकरचा चालक असल्याची माहिती आहे. रविवारी पोलिसांनी या आरोपीच्या मुसक्या आवळत त्याला अटक केली आहे.

हळदोणे (Aldona) येथे राहणाऱ्या 17 वर्षीय तरुणीवर अत्याचार केल्याची तक्रार पोलिसात दाखल झाली होती. यानंतर पोलिसांनी तातडीने कारवाई करत पाण्याच्या टँकरवर चालक असलेल्या संदीप चोडणकर या 40 वर्षीय आरोपी इसमाला बेड्या ठोकल्या आहेत. पर्वरी पोलिसांनी आरोपीला बेड्या (Arrest) ठोकत त्याची कोठडीत रवानगी केली आहे. पोलिसांनी याप्रकरणी कसून तपास सुरु केला आहे. आरोपीला आज न्यायालयासमोर हजर केलं जाण्याची शक्यता आहे.

आरोपी टँकर चाकल मागील वर्षापासून पीडित तरुणीला त्रास देत होता. मात्र तरुणीने घाबरून याची कुठेही वाच्यता केलेली नव्हती. मात्र जेव्हा ही गोष्ट पीडित मुलीच्या आईला कळाती, तिने पर्वरी पोलिसात (Police) धाव घेत आरोपीविरोधात तक्रार दाखल केली आहे. मुलीच्या आईने दिलेल्या तक्रारीवरुन पोलिसांनी आरोपीला अटक केली आहे. पर्वरीतील एका जुन्या इमारतीमध्ये आरोपी संबंधित पीडितेवर अत्याचार करत असल्याची माहिती पोलिसांनी दिली आहे.