वास्को : सांकवाळ येथे बिटस् पिलानी महाविद्यालयाजवळ रविवारी रात्री दुचाकी आणि बस यांच्यात झालेल्या भीषण अपघातात सडा येथील एक आणि बोगदा येथील एक असे मिळून दोन तरुण ठार झाले, तर एक पादचारी महिला गंभीर जखमी झाली.
मुरगावचे उपअधीक्षक सलीम शेख यांनी दिलेल्या माहितीनुसार, बोगदा येथील अखिलेश गावस (18) आणि सडा येथील गौतम केळुसकर (19) अशी दोन मृत तरुणांची नावे आहेत.
हे दोघे तरुण केटीएम दुचाकीवरून (जीए 03एसी 6622) एमईएस महाविद्यालयाकडून वेर्णाच्या दिशेने जात होते. त्याचवेळी एक खासगी प्रवासी बस (जीए 08 वी 1383) देखील त्याच दिशेने जात होती. बस बिटस् पिलानी महाविद्यालयाजवळ यू टर्न घेत असताना दुचाकीची थेट बसला धडक बसली. अपघातानंतर (Accident) दुचाकीने एका पादचारी महिलेला धडक दिल्याने ती गंभीर जखमी झाली. तिचा पाय फ्रॅक्चर झाला आहे. या अपघातामध्ये एका तरुणाचा जागीच मृत्यू झाला, तर दुसऱ्याचा उपजिल्हा रुग्णालयात (hospital) नेत असताना वाटेतच मृत्यू (death) झाला. जखमी महिलेला उपचारासाठी गोमेकॉत दाखल केले आहे. याप्रकरणी वेर्णा पोलीस अधिक तपास करत आहेत
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
