म्हापशातील एकतानगर तसेच गणेशपुरी हाऊसिंगबोर्ड परिसरामध्ये सध्या भूमीगत विजेच्या केबलिंगचे काम जोरदारपणे चालू आहे. आज मंगळवारी सकाळी नेहमीप्रमाणे केबलिंगसाठी जेसीबीच्या साहाय्याने खोदकाम सुरु होतं. हे खोदकाम सुरु असताना येथील पाण्याच्या पाईपला जेसीबीचा धक्का लागून मोठी पाईप फुटली. त्यामुळे हजारो लिटर पाणी वाया गेले.
विजेच्या भूमिगत केबलिंगच्या खोदकामावेळी वेगवेगळ्या ठिकाणी अशाच जेसीबीमुळे पाण्याची पाईपलाईन फुटून पाणी वाया जाण्याचे प्रकार सध्या गोव्यात वाढले आहेत. म्हापसा परिसरामध्ये अशाच घडलेल्या घटनांमुळे लोकांना पाण्याची टंचाई भासू लागली आहे. यामुळे लोकांमध्ये नाराजी असून कंत्राटदाराच्या बेफिकिरीमुळे संताप व्यक्त करण्यात येत आहे. सध्या म्हापसा परिसरामध्ये पाण्याची अत्यंत बिकट परिस्थिती झालेली असतानाही पाईपलाईन फुटत असल्याने लोकांना मात्र पाण्याची समस्या जाणवू लागली आहे.
मागच्या महिन्यात अशीच पाईपलाईन फुटून एकतानगर येथे पाणी वाया गेले होते. यातून हजारो लिटर पाणी वाहून गेल्याने या भागातील रहिवाशांना पाण्याच्या टंचाईचा सामना करावा लागला होता. आता आज मंगळवारी सकाळी पुन्हा मोठी पाईपलाईन फुटुन हजारो लिटर पाणी वाया गेले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.