मनोहर आंतरराष्ट्रीय विमानतळ मोपावर सरकारने दहा दिवसांच्या आत स्थानिक टॅक्सी व्यावसायिकांसाठी टॅक्सी काऊंटर सुरू करावा. अन्यथा गाड्या मोपा रस्त्यावर आणून आम्ही प्रखर आंदोलन सुरू करू व त्याची सगळी जबाबदारी ही सरकारवर असेल, असा इशारा नागझर येथे नाना शेट सभागृहात आयोजित केलेल्या सभेत सरकारला देण्यात आला.
राजन कोरगावकर म्हणाले की, पेडणेचे आमदार बाजू मांडण्यास व आवाज उठवण्यास कमी पडत असून सरकार या प्रश्नाकडे गांभीर्याने पाहात नाही.
विमानतळावर रोजगाराबाबतीत जमीन गेलेल्यांना व स्थानिकांना प्राधान्य हे मिळायलाच पाहिजे. यावेळी उदय महाले व रूपेश कुंब्रलकर हे आंदोलकांचे दोन गट एकत्र आले. दोन्ही गटांतील इच्छुक टॅक्सीधारक मोठ्या संख्येने उपस्थित होते. भरत बागकर यांनी सूत्रसंचालन करून आभार मानले.
यापूर्वी आम्ही मोपाचा भाग बॉक्साइट खाण उद्योगात जाण्यापासून इशारे देऊन वाचविला. शेतकऱ्यांच्या उदरनिर्वाहाची साधने नष्ट करून मोपा विमानतळ प्रकल्पात रोजगारीबाबत त्यांना डावलले आहे आणि आता टॅक्सी गाड्यांबाबतही लोकांना रस्त्यावर यावे लागते, हे योग्य नव्हे. मी लोकांसोबत आहे.
- ॲड. रमाकांत खलप, माजी केंद्रीय मंत्री
जिथे विमानतळ होते तिथे स्थानिकांसाठी टॅक्सी स्थानक असते. पण सरकार स्थानिकांना सात्यत्याने डावलण्याचा प्रयत्न करीत आहे. मुख्यमंत्री डॉ. प्रमोद सावंत यांच्याशी माझी बोलणी झाली आहेत व ते हा प्रश्न सोडवतील, अशी आशा आहे.
- सुदीप ताम्हणकर, बसमालक संघटनेचे नेते
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
