कळंगुटमध्ये पुन्हा अग्नितांडव

पणजी: कळंगुटमध्ये पुन्हा एकदा भीषण अग्नितांडव पाहायला मिळालं आहे. समुद्र किनाऱ्याशेजारी असलेल्या कपड्यांच्या गोदामाला आग लागल्याने मोठं नुकसान झालं आहे. आगीचं कारण अद्याप समजू शकलेलं नाही. अचानक लागलेल्या आगीमुळे कळंगुट समुद्रकिनारा परिसरात भीतीचं वातावरण होतं. (warehouse in calangute caught fire again today)

कळंगुटमध्ये (Calangute) दोन दिवसात आग लागण्याची दुसरी घटना पाहायला मिळाली आहे. कांदोळी किनाऱ्यावरील शॅक्सना भीषण आग लागल्याची बातमी ताजी असतानाच मंगळवारी पहाटे कळंगुटच्या मुख्य रस्त्यालगत असलेले चार शेडवजा गाळे आगीत भस्‍मसात झाले. या दुर्घटनेत सुमारे 85 लाख रुपयांचे नुकसान झाल्याची माहिती दुकानमालकांनी दिली. ‘बॉम्बे बाजार’ म्हणून ओळखली जाणारी ही दुकाने अनेक वर्षापासून या भागात कार्यरत होती. दुकानात झोपलेल्या कामगारांना दुकानात आग लागल्याचे कळताच तात्काळ अग्निशमन दलाला (FireBrigade) कळविण्‍यात आले.