Goa Corporation Elections: गोव्यातील साखळी आणि फोंडा नगरपालिकांच्या सध्याच्या सभागृहाचा मुदत संपत आली आहे. त्यामुळे या दोन्ही नगरपालिकांच्या निवडणुकीचा बिगुल वाजला आहे.
या पालिकांसाठी मे महिन्यात मतदान होणार असल्याची माहिती यापुर्वीच दिली होती. त्यासाठी निवडणूक अधिकाऱ्यांची नियुक्ती करण्यात आली असल्याचे सांगण्यात आले होते. आता मतदानाची तारीखही समोर येत आहे.
सूत्रांच्या माहितीनुसार 19 मे रोजी दोन्ही पालिकांसाठी मतदान होऊ शकते. आज, शनिवारी याबाबतची घोषणा होण्याची शक्यता आहे.
दरम्यान, निवडणुका जवळ येत असल्यामुळे सध्या अनेक इच्छुक उमेदवार तयारीला लागले असून प्रचाराचे नवनवीन फंडे शोधताना दिसत आहेत. फोंडा नगरपालिका निवडणुकीत काँग्रेस निवडणुकीच्या रिंगणात उतरणार असून कमीत कमी चार ते पाच उमेदवार निवडणूक लढवणार आहेत, असे फोंड्याचे काँग्रेस गटाध्यक्ष विलियम आगियार यांनी सांगितले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
