विधवा महिलांबाबत सरकार नक्कीच गंभीर आहे. त्यांच्या संरक्षणासाठी पावले उचलली जातील. त्याबाबत पुढील पावसाळी अधिवेशनात चर्चा करून निर्णय घेतले जातील, असे आश्वासन महिला व बाल कल्याण मंत्री विश्वजीत राणे यांनी सभागृहात दिले.
विरोधी पक्षनेते युरी आलेमाव यांनी मांडलेल्या खासगी ठरावावर राणे बोलले. ठराव मांडताना आलेमाव म्हणाले, राज्यातील विधवा महिलांबाबत होणारे भेदभाव, विधवा अत्याचार आणि अन्यायकारक प्रथा बंद करण्यासाठी तातडीने पावले उचलणे आवश्यक आहे.
डॉ. दिव्या राणे म्हणाल्या, विधवा महिलांना विविध समस्यांना तोंड द्यावे लागते. काही जणांना निराधार जीवन जगावे लागते. केवळ नावापुरता नारीशक्तीचा जयजयकार नको, त्यांना सन्मान मिळायला हवा.
याप्रसंगी आमदार दिलायला लोबो यांनीही काही उदाहरणे देत आपले मत मांडले. दरम्यान, समाजात प्रचलित व अप्रचलित पुरातन प्रथांविरुद्ध विधवांचा आत्मविश्वास वाढविण्यासाठी कायदा करावा, अशी मागणी मत मांडणाऱ्या आमदारांनी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
