पणजी: काही दिवस का होईना पण, गोवा फिरुन यायला हवं, अशी देशातील प्रत्येकाची भावना असते. गोव्यातील शांत समुद्रकिनारे, निसर्गसौंदर्य, नाईट लाईफ, कॅसिनो, क्रूझ, बोटींग, वॉटर स्पोर्ट्स येथील संस्कृती आणि हजारो वर्षांचा प्राचीन इतिहास अशा अनेक गोष्टींचे आकर्षण देशी - विदेशी पर्यटकांना असते.
गोव्याबाबत आणखी एक आकर्षण असते ते म्हणजे स्वस्त मिळणारी दारु. एक दिवासाची गोवा ट्रीप निव्वळ दारु पिण्यासाठी करावी अशीही इच्छा व्यक्त करणारे महाभाग आहेत. दरम्यान, सध्या सोशल मीडियावर एक व्हिडिओ चांगलाच व्हायरल होत आहे.
सोशल मीडियावर व्हायरल होणाऱ्या या व्हिडिओत चार मित्र गोव्यात फिरुन झाल्यानंतर माघारी निघाले आहेत. गोवा विमानतळावर असताना त्यांनी एक व्हिडिओ शेअर केला आहे. चारजणांना गोव्यात फिरण्यासाठी ३२,००० रुपये खर्च आला.
त्यात प्रत्येकी ८,००० रुपये त्यांच्या वाट्याला आले. दर, विमानाचं तिकीट वैगेरे खर्च धरुन हा आकडा प्रत्येकी १२,००० रुपये झाला. याचाच अर्थ सर्वांना गोव्यात येणं - जाणं (फ्लाईटने), राहणं, खाणं आणि फिरणं यासाठी १२,००० खर्च झाले.
दारुवर खर्च केले ४१,६६३ रुपये
चारजणांनी निव्वळ दारुसाठी तब्बल ४१,६३३ रुपये खर्च केले आहेत. विमानतळावर असणाऱ्या या तरुणांनी दारुचे बिल शेअर केले आहे. चौघांना गोव्यात फिरण्यासाठी आला त्यापेक्षा अधिक खर्च त्यांनी दारुवर केल्याचे यातून दिसत आहे. सध्या हा व्हिडिओ सोशल मीडियावर चांगलाच व्हायरल झाला आहे. दरम्यान, हा खर्च त्यांना किती दिवसांसाठी आला याबाबत उल्लेख करण्यात आलेला नाही.
नेटकऱ्यांनी या व्हिडिओवर विविध कमेंट केल्या आहेत. ही गोवा नव्हे तर दारु ट्रीप असल्याची एक कमेंट नेटकऱ्याने केली आहे. काही जणांनी या गोष्टीचा निषेध केला आहे.
हा चुकीचा प्रकार असून, अनेक तरुण दारुवर जास्त पैसे खर्च करत असल्याचे मत व्यक्त केले आहे. काही जणांनी त्यांना गोवा ट्रीपमध्ये दारुवर आलेल्या खर्चाचा हिशोब कमेंटमध्ये दिला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
