विजय सरदेसाईंचं फेसबुक पेज पुन्हा हॅक

मडगाव : गोवा फॉरवर्डचे अध्यक्ष आणि फातोर्ड्याचे आमदार विजय सरदेसाई यांची फेसबुक पेज पुन्हा एकदा हॅक करण्यात आली असून सरदेसाई यांनी यासंदर्भात सायबर (Cyber) गुन्हे विभागात तक्रार दाखल केली आहे. या पूर्वीही एकदा सरदेसाई यांचा ट्विटर अकाऊंट असाच हॅक केला होता.

विजय सरदेसाई (Vijay Sardesai) यांनी यासंदर्भात ट्विट करून ही माहिती दिली आहे. कुणीतरी आपली अधिकृत फेसबुक पेज हॅक करून त्यावरून लोकांना आक्षेपार्ह संदेश पाठविले असल्याचा खुलासा केला असून असे संदेश कुणाला पोहोचले असतील तर आपण त्यांची माफी मागतो असे त्यांनी या ट्विटमध्ये म्हटले आहे.

या निवडणुकीत काँग्रेस आणि भाजप (BJP) चांगली कामगिरी करत असून त्यामुळे राजकिय विरोधकांना नैराश्य आले आहे. त्यातूनच हा निंदाजनक प्रकार झाला असल्याचा आरोप सरदेसाई यांनी केला आहे.