मडगाव : स्व. मनोहर पर्रीकर मुख्यमंत्री असताना दयानंद निराधार योजनेखाली ज्येष्ठ नागरिकांना पेन्शन दिली जायची. त्याचे पैसे प्रत्येक महिन्याच्या सात तारखेला ज्येष्ठ नागरिकांच्या खात्यात जमा व्हायचे. मात्र, आताचे सरकार त्यांची पेन्शन पाच - सहा महिने अडवून ठेवत आहे. ज्येष्ठ नागरिकांप्रती दाखविलेली सरकारची ही असंवेदशीलता असल्याचा आरोप गोवा फॉरवर्डचे सर्वेसर्वा विजय सरदेसाई यांनी केला.
जागतिक ज्येष्ठ नागरिक दिनानिमित्त आज मडगाव येथे आयोजित केलेल्या कार्यक्रमात ते बोलत होते. सरकारच्या समाजकल्याण खात्याला या ज्येष्ठ नागरिकांप्रती काहीच पडून गेलेले नाही. ज्येष्ठ नागरिकांच्या पेन्शनचे पैसे कंत्रादारांची बिले फेडण्यासाठी वापरले जात आहेत. कारण या कंत्रादारांकडून काहीजणांना कमिशन मिळते. त्यासाठीच ज्येष्ठांची परवड केली जात आहे, असाही आरोप त्यांनी केला.
समाजकल्याण खात्यावर ताशेरे ओढताना सरदेसाई म्हणाले, वृद्धाश्रमात अटेंडंट म्हणून काम करतात त्यांचा पगार चार हजारावरून अडीच हजारावर आणण्याचे ठरले आहे आणि साफसफाई करणाऱ्यांना अडीच हजार मानधन मिळत होते ते दीड हजारांवर आणू पाहात आहेत. एका बाजूने महागाई वाढत असताना मानधन वाढविण्याचे सोडून हे सरकार त्यांचा पगार कमी करू पाहात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
