Goa Budget Session 2023-24: वीज खात्यातील अक्षय ऊर्जा (ग्रीन पॉवर) हा विषय वादाच्या भोवऱ्यात सापडला आहे. इलेक्ट्रिक वाहनांना अनुदान देण्यासाठी वीज खात्यातील अधिकारी ग्राहकांकडून लाच मागत असल्याचा आरोप आमदार विजय सरदेसाई यांनी आज विधानसभेत केला. याची मुख्यमंत्र्यांनी चौकशी करावी, अशी मागणी त्यांनी केली.
केंद्र सरकारकडून अक्षय उर्जेला प्रोत्साहन देण्यासाठी सवलत देण्याचे निर्देश आहेत. परंतु या सवलतीसाठी खात्यातील काही कर्मचारी लाभार्थ्यांकडून पैशांची मागणी करतात, असा आरोप सरदेसाईंनी केला.
याबाबत वीजमंत्री सुदिन ढवळीकर म्हणाले, ‘कोणी पैशांची मागणी करत असेल तर आपल्याकडे तक्रार नोंदवावी किंवा हीच तक्रार समजून चौकशीही केली जाईल.’
पणजी 2024 पर्यंत सोलर सिटी
केंद्र सरकारच्या सोलर सिटी अंतर्गत पणजीची निवड ‘सोलर सिटी’ योजनेसाठी झाली आहे. 2024 पर्यंत पणजीसाठी लागणारी वीज शहरातच ‘अक्षय ऊर्जा’मार्फत तयार करण्यात येईल.
यासाठी राज्यातील सरकारी आस्थापनावर सौरऊर्जेचे 150 पॅनल उभारण्यात येतील, अशी माहिती वीजमंत्र्यांनी अधिवेशनात दिली
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
