पेडणे: हळर्ण येथे रणजीत परब ह्या युवा शेतकऱ्याच्या परसबागेतील भाजी उत्पन्न गव्यांनी काल रात्री फस्त केल्यामुळे पीक घेण्यासाठी केलेला हजारो रुपयांचा खर्च व घेतलेली मेहनत वाया गेली आहे.
रणजीत परब म्हणाले की,पाच वर्षांच्या भाडेतत्वावर मी शेतजमीन कसण्यासाठी घेतली असून गेल्या तीन वर्षापासून वांगी, भेंडी आदी प्रकारच्या भाजीपाल्याचे उत्पन्न घेतो. ही भाजी फलोत्पादन महामंडळाच्या विविध ठिकाणच्या केंद्रांवर नेऊन विकतो.
भाजीपाल्याच्या विक्रीमुळे कुटुंबाचा चरितार्थ चालवण्यासाठी चांगला हातभार लागतो. पण मी लागवड केलेली संपूर्ण भाजी परसबाग मुळासकट गव्यांनी फस्त केल्याने सुमारे सत्तर हजार रुपयांची हानी झाली. या घटनेमुळे मला मोठा आर्थिक फटका बसला आहे,असेही परब यांनी सांगितले.
पीक घेण्यासाठी कुटुंबीयांसमवेत घेतलेली मेहनत तर फुकट गेलीच, पण ज्या उत्पन्नावर आमचे कुटुंब चालायचे ते साधनच नष्ट झाल्याने माझ्या कुटुंबावर मोठे संकट कोसळले आहे. तरी आमदार , कृषि व वन खात्याने या झालेल्या नुकसानीची पाहणी करून मला नुकसान भरपाई द्यावी.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
