वास्को: रेल्वे स्टेशनवर मंगळवारी (१५ एप्रिल) सायंकाळी साडेपाचच्या सुमारास नियमित गस्त सुरू असताना वास्को रेल्वे पोलिस स्टेशनच्या कर्मचाऱ्यांसह आरपीएफ कर्मचाऱ्यांना बेडशीटमध्ये गुंडाळलेली एक बॅग सापडली. तपासणी केल्यावर, बॅगेमध्ये चांदीची छत्री सापडली. या वस्तूचे वजन अंदाजे ६.४ किलोग्रॅम असून त्याची किमत ५,३७,६०० रुपये आहे.
पोलिस निरीक्षक आनंद शिरोडकर, अमरनाथ पासी, पोलिस उपनिरीक्षक कृष्णा तळपी यांच्यासह आरपीएफ अधिकारी रोहित दक्षित वास्को रेल्वे स्थानकावर नियमित पेट्रोलिंग करत होते. यावेळी त्यांना बेवारस स्थितीत पडलेली एक बॅग आढळून आली.
या बॅगेत बेडशीटमध्ये गुंडाळलेली चांदीची छत्री आढळून आली. पोलिसांनी सापडलेल्या वस्तूची खात्री करण्यासाठी सोनाराला बोलवून त्याची खातरजमा केली असता छत्रीची चांदीची असल्याचे निष्पन्न झाले.
सापडलेली छत्री ८७.५० टक्के चांदीची असल्याचे सोनाराने सांगितले. या छत्रीचे वजन ६.४ किलोग्रॅम असून त्याचे बाजार मूल्य ५,३७,६०० रुपये असल्याचे सांगण्यात आले आहे. पोलिसांनी पंचनामा करुन छत्री जप्त केली आहे.
रेल्वे पोलिस या प्रकरणाचा अधिक तपास करत असून, सापडलेली वस्तू त्याच्या मूळ मालकाला परत करण्यासाठी पोलिस प्रयत्नशील आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.