वास्को, जोशी चौकात संशयास्पद फिरताना एका परप्रांतियांकडून, पोलिसांनी एक किलो गांजा जप्त केला. पकडण्यात आलेल्या गांजाची किंमत एक लाख रुपये एवढी असल्याची माहिती वास्को पोलिस निरीक्षक कपिल नायक यांनी दिली.
वास्को पोलिस निरीक्षक कपिल नायक यांनी दिलेल्या माहितीनुसार, शुक्रवार (दि.२९) सायंकाळी उशिरा वास्को जोशी चौकात एक व्यक्ती संशयास्पद फिरताना पोलिसांना आढळला. पोलिसांनी त्या संशयितांकडे चौकशी केली असता, त्यांने योग्यरित्या पोलिसांना माहिती दिली नाही.
नंतर पोलिसांनी त्याची झडती घेतली असता, त्याच्या बॅगेत एक किलो गांजा सापडला.पोलिसांनी गांजा बाळगल्या प्रकरणी मूळ विजापूर कर्नाटक येथील सुयेश अंबरनाथ (१९) याला अंमली पदार्थ कायद्या अंतर्गत ताब्यात घेतला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.