वास्को: चिखली येथे जीवघेण्या अपघातास कारणीभुत कार मालक ताहिर खान (वय 27, म्हापसा ) याला वास्को पोलिसांनी अटक केली. ताहिर याने आपली कार एका अल्पवयीन मुलाला दिल्याने त्याच्यावर कारवाई करण्यात आली आहे. त्याच्यावर कलम 304 आयपीसी आणि कलम 180 आणि मोटार वाहन कायदा कलम 199-अ (2) अन्वये गुन्हा दाखल करण्यात आला आहे. (Vasco police has arrested the car owner in Dabolim Chicalim highway accident)
सविस्तर वृत्त असे की, दोन दिवसांपुर्वी दाबोळी - चिखली राष्ट्रीय महामार्गावर एका अल्पवयीन मुलाने निष्काळजीपणे चुकीच्या दिशेने चारचाकी चालवत महिलेला धडक दिली होती. यात चिखली येथील दुचाकी महिला रिना गोन्साल्विसचा मृत्यू झाला. तर तिच्या मागे बसलेला पुतण्या गंभीर जखमी झाल्याने त्याला रुग्णालयात दाखल करण्यात आले आहे.
या अपघातास जबाबदार वाहन चालक अल्पवयीन मुलास पोलिसांनी घटनास्थळावरून ताब्यात घेतले आहे. दरम्यान अपघाताला कारणीभूत वाहन मालक ताहीर खान याला ( बुधवार ) आज अटक केली आहे. या अपघाताचा पुढील तपास वास्को पोलिस स्थानकाचे उपनिरीक्षक स्वप्निल नाईक करीत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
