वास्को पोलिसांनी (Vasco) आयपीएल सट्टेबाजी रॅकेटचा (IPL Betting racket) पर्दाफाश केला, गुरुवारी मध्यरात्री न्यू वडेम (New Vaddem) येथे टाकलेल्या छाप्यात 6 जणांना अटक करण्यात आली आहे.विशिष्ट आणि विश्वासार्ह माहितीच्या आधारे वास्को पोलिसांनी न्यू वडेम येथील Sushila Sea winds नावाच्या एका फ्लॅटवर छापा टाकला.
गुरुवारी मध्यरात्री आयपीएल क्रिकेट सामन्यांच्या बेकायदेशीर सट्टेबाजीत सहभागी असलेल्या आंतरराज्यीय सट्टेबाज रॅकेटचा पर्दाफाश केला. सट्टेबाजीत सामील असलेल्या सहा जणांना अटक करण्यात आली आहे. त्यापैकी 5 जण नागपूरचे आणि एक राजस्थानमधील होता. या धडक कारवाईत 2 लॅपटॉप, मोबाईल फोन, फोन कॉल प्राप्त करण्यासाठी मोबाईल फोनशी जोडलेले दोन सुधारित उपकरण, एक TV आणि काही लेखी साहित्य जप्त करण्यात आले आहे.
छापेमारी दरम्यान वास्को पोलिसांच्या सूत्रांनी सांगितले की, ही टोळी 19 सप्टेंबरपासून या परिसरा कार्यरत होते आणि यांच्याकडून पैसांचे किंवा वस्तूंचे आधान प्रदान केले जात होते. वास्कोतील एक व्यक्ती या टोळीशी जोडलेला आहे त्यालाही लवकरच अटक केली जाईल. अटक झालेल्या सर्व सहा आरोपी पोलीस कोठडीत असून पुढील तपास सुरू आहे, अशी माहिती वास्को पोलिसांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.