Vasco Theft Case: पोलिसांच्या हातावर तुरी देणारा पुन्हा गजाआड

वास्को येथे चारचाकीतून चोरले होते पैसे
Vasco Theft Case
Vasco Theft CaseGomantak Digital Team

Vasco Theft Case: वास्को पोलिसांच्या हातावर तुरी देऊन फरार झालेल्या चोरट्याला पुन्हा गजाआड करण्यास वास्को पोलिसांना यश आले. रविवारी (ता.१४) त्याला चिखली परिसरातून अटक केली.

फरार पी. रमेशला रविवारी पुन्हा पोलिसांनी गजाआड करून चौकशीला सुरवात केली असता त्याचे नाव पी. रमेश नसून रवी सुभाराव असे असल्याचे उघड झाल्याची माहिती पोलिस निरीक्षक कपिल नायक यांनी दिली.

वास्को पोलिसांकडून मिळालेल्या माहितीनुसार, 23 फेब्रुवारी 2023 रोजी वास्कोत एका चारचाकीमधील अडीच लाखांची रक्कम घेऊन तो फरार झाला होता. त्यावेळी त्याला अटक करण्यात यश आले होते.

अटक केलेल्या सुभारावला त्याच रात्री 7.30 वाजता वैद्यकीय तपासणीसाठी चिखली उपजिल्हा इस्पितळात पाठवण्यात आले होते.

तेथून २८ एप्रिलच्या पहाटे ३ वा.च्या सुमारास त्याने त्याच्यावर पाळत ठेवणाऱ्या दोन्ही पोलिसांच्या हातावर तुरी देऊन तो पळाला होता.

Vasco Theft Case
Nikki Tamboli in Goa: निक्कीने गोव्यातून शेअर केला हॉट व्हिडिओ; चाहते म्हणाले आम्हालाही...

असा रचला सापळा

फरार आरोपी रवी सुभारावची शोधमोहीम सुरू होती. यादरम्यान आरोपी तामिळनाडू येथे असल्याचा सुगावा पोलिसांना लागला. तसेच नंतर तो बेळगावमार्गे गोव्यात येत असल्याचे उघड झाले.

रवी सुभारावसाठी पोलिसांनी गोव्यात सापळा रचला होता. रविवारी (ता.१४) रात्री अखेरीस आरोपी सुभाराव याला पुन्हा गजाआड करून अटक करण्यात वास्को पोलिसांना यश आले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com