Vasco: मुरगाव पालिकेने दीड तासात केले 26 हजार रुपये वसूल; वास्कोत कचरा शुल्कासाठी धडक मोहीम

Vasco Market Vendors: अवघ्या दीड तासात मुरगाव पालिकेने २६ हजार रुपये विक्रेत्यांकडून वसूल केले. विक्रेत्यांनीही आढेवेढे न घेता ही रक्कम दिली.
Vasco market
Vasco marketdainik gomantak
Published on
Updated on

Vasco Market Vendors Mormugao Municipality Waste Fee

वास्को: भाजी मार्केटातील विक्रेत्यांकडून कचरा शुल्क गोळा करण्याची मोहीम मुरगाव पालिकेने सोमवारपासून सुरू केली. अवघ्या दीड तासात मुरगाव पालिकेने २६ हजार रुपये विक्रेत्यांकडून वसूल केले. विक्रेत्यांनीही आढेवेढे न घेता ही रक्कम दिली. पुढील दोन दिवस ख्रिसमसचे असल्याने ही मोहीम पुन्हा २६ रोजीपासून सुरू होणार असल्याची माहिती मिळाली.

येथील भाजी मार्केटातील सर्व प्रकारचा कचरा मुरगाव पालिका उचलते. आतापर्यंत तेथील विक्रेत्यांकडून कचरा शुल्क घेण्यासाठी पालिका गंभीर दिसत नव्हती, याचा गैरफायदा घेत विक्रेते कचरा शुल्क देण्याचे टाळत होते. या मार्केटातील भाजी, फळे विक्रेत्यांचा ओला व कुजलेला कचरा पालिका गोळा करते. परंतु आजवर येथील विक्रेत्यांकडून कचरा शुल्क गोळा करण्यास मुरगाव पालिकेने उत्सुकता दाखविली नव्हती. त्यामुळे पालिकेला महिन्याकाठी सुमारे ९० हजार रुपयांच्या महसुलाला मुकावे लागत होते. आता मुरगाव पालिकेने कचरा शुल्क गोळा करण्यास आरंभ केला आहे.

Vasco market
Vasco: वास्कोत विनापरवाना हातगाड्यांचा प्रश्न 'गंभीर'! अतिक्रमणामुळे वाहतुकीला अडथळा; पालिका अधिकाऱ्यांचे दुर्लक्ष होत असल्याचे आरोप

विक्रेत्यांचे सहकार्य

सोमवारी दुपारी १२ वाजता कचरा शुल्क गोळा करण्याची मोहीम हाती घेण्यात आली. मार्केटातील विक्रेत्यांकडून दुपारी दीड वाजेपर्यंत २६ हजार रुपये कचरा शुल्कापायी गोळा झाले. नगराध्यक्ष गिरीश बोरकर, मुख्याधिकारी दिपेश प्रियोळकर, नगरसेवक नारायण बोरकर, नगरसेवक दामू नाईक, नगरसेवक दामू कासकर, पालिका निरीक्षक योगेश, पालिका अधिकारी संध्या यांनी मार्केटात फिरून विक्रेत्यांना कचरा शुल्कासंबंधी माहिती दिली. विक्रेत्यांनीही चांगले सहकार्य केले.

Vasco market
Vasco Akkalkot: स्वामीभक्तांसाठी आनंदाची बातमी! वास्को ते अक्कलकोट थेट बससेवा सुरु

कचरा रस्त्यावर

विक्रेत्यांनी रस्त्यावर अतिक्रमण केल्याने पालिकेच्या कचरावाहू वाहने मार्केटात जाऊ शकत नाही. त्यामुळे विक्रेत्यांनी कचरा वर्दळीच्या हमरस्त्यावर टाकण्यास आरंभ केला आहे. हा कचरा पालिका उचलते. मात्र या कचऱ्यामुळे वाहनचालकांना, पादचाऱ्यांना मोठा त्रास सहन करावा लागतो. त्यासंबंधी मुरगाव पालिकेने तोडगा काढण्याची गरज आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com