37th National Games Goa 2023: राज्यातील विविध क्रीडा संघटनांनी आज होणाऱ्या राष्ट्रीय क्रीडा स्पर्धेच्या मशाल अनावरण कार्यक्रमावरील बहिष्कार मागे घेतला आहे. याबाबतची गोवा ऑलिम्पिक संघटनेने जाहीर केले.
सरकार विविध क्रीडा संघटनांना 80 टक्के निधी देणार आहे. पैसे आधिच एसएजीमध्ये जमा आहेत. निधी मिळण्यास विलंब म्हणून संघटनांनी मशाल कार्यक्रमावर बहिष्कार टाकू नये असे मुख्यमंत्री डॉ. सावंत यांनी सांगितले. मुख्यमंत्र्यांच्या आवाहनानंतर संघटनांनी बहिष्कार मागे घेतला.
गुरुवारी गोवा ऑलिंपिक असोसिएशनच्या झेंड्याखाली विविध खेळांच्या राज्य संघटनांनी तीव्र निषेध नोंदवित शुक्रवारी होणाऱ्या स्पर्धा मशाल प्रज्वलन कार्यक्रमावर बहिष्कार टाकण्याचा निर्णय क्रीडा संघटनांनी घेतला होता.
दरम्यान संघटनांच्या निर्णयावर मुख्यमंत्री म्हणाले, मागच्या वेळी केवळ 60 खेळाडूच राष्ट्रीय क्रीडा स्पर्धेत सहभागी झाले. त्यावेळी संघटनांनी शिबिरासाठी 1,500 नावे दिली होती. ती नावे तपासण्यास वेळ लागला. या कारणासाठी बहिष्कार घालण्याचा निर्णय घेणे योग्य नव्हते असे आज मुख्यमंत्र्यांनी स्पष्ट केले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.