गोमंतक गौड मराठा समाजातर्फे समाजातील युवा वर्गाला प्रोत्साहन देण्याबरोबरच त्यांच्या कला आणि क्रीडा गुणांना वाव मिळवून देण्यासाठी विविध उपक्रम हाती घेतले जात असून येत्या रविवारी २३ रोजी कुर्टी - फोंड्यात आठ तालुका मर्यादित गोमंतक गौड मराठा समाज फुटबॉल स्पर्धेचे आयोजन करण्यात आले आहे.
यासंबंधीची माहिती फोंड्यात आज (गुरुवारी) घेतलेल्या पत्रकार परिषदेत देण्यात आली. माजी आमदार प्रसाद गावकर यांनी ही माहिती दिली. या पत्रकार परिषदेला गोमंतक गौड मराठा समाजाचे अध्यक्ष मधू गावकर तसेच भोला गावकर, रमाकांत गावकर व इतर पदाधिकारी उपस्थित होते.
कुर्टी येथील पशुसंवर्धन खात्याच्या मैदानावर ही स्पर्धा रविवारी सकाळी साडेनऊ वाजता सुरू होणार असून फोंड्याचे आमदार तथा राज्याचे कृषिमंत्री रवी नाईक या स्पर्धेचे उद्घाटन करतील.
स्पर्धेच्या बक्षीस वितरण कार्यक्रमाला विधानसभेचे सभापती रमेश तवडकर तसेच माजी मंत्री पांडुरंग मडकईकर व इतर मान्यवरांची उपस्थिती असेल.
विजेत्यांना चषक तसेच रोख रु. ३३ हजार ३३३ देण्यात येतील, तर उपविजेत्यांना चषक व रोख रु. २२ हजार २२२ देण्यात येणार आहेत. याशिवाय स्पर्धेत अन्य विविध बक्षिसांचाही समावेश असून त्यात वैयक्तिक स्तरावरही उत्कृष्ट खेळाडूंना बक्षिसे देण्यात येणार आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.