वाळपई: वाळपई तालुक्यातील खोडये-सत्तरी येथे बिबट्याच्या हल्ल्याची घटना समोर आली असून, शेतकरी सुरेश गावकर यांच्या गोठ्यात बांधलेले वासरू बिबट्याने पळवून नेल्याची घटना २६ तारखेला मध्यरात्री घडली.
सकाळी उठल्यानंतर गोठ्यात वासरू नसल्याचे लक्षात येताच सुरेश गावकर यांनी परिसरात शोध सुरू केला. तपासादरम्यान बिबट्याने वासराच्या मानगुटीला बांधलेली दोरी तशीच ठेवून वासरू पळवून नेल्याचे स्पष्ट झाले.
यानंतर गावकर कुटुंबीयांनी शेजारील भागात वासराचा शोध सुरू ठेवला. अखेर गुरुवारी सायंकाळी गावालगतच्या झाडीत वासरू मृत अवस्थेत आढळून आले. बिबट्याने वासरू खाऊन उर्वरित अवशेष त्या ठिकाणीच टाकल्याचे दिसून आले आहे.
या घटनेमुळे परिसरातील शेतकरी आणि नागरिकांमध्ये भीतीचे वातावरण निर्माण झाले आहे. पशुधनावर वारंवार होणाऱ्या हल्ल्यांमुळे शेतकऱ्यांचे मोठे नुकसान होत असून, वन विभागाने तातडीने उपाययोजना कराव्यात, अशी मागणी ग्रामस्थांकडून केली जात आहे. स्थानिक प्रशासनाकडूनही घटनास्थळी पाहणी करून पुढील कारवाईची प्रक्रिया सुरू करण्यात आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
