Vagator Accident Case Update: वागातोर येथील अपघातात एका रिसॉर्टच्या मालकीणीचा मृत्यू झाला होता. या प्रकरणातील अटक संशयित कारचालक सचिन कुरुप (42, आसगाव, मूळ-पुणे) याच्या मद्य चाचणीनंतर आता अमली पदार्थ चाचणी देखील निल आली आहे.
हा घटनेच्या दिवशी चालक दारु पिऊन गाडी चालवत असल्याचे बोलले जात होते. मात्र काही दिवसांपूर्वी अल्कोहोल चाचणी केली असता चाचणी शून्य असल्याचे अहवालातून स्पष्ट झाले होते. आरोग्यसेवा संचालनालय आणि पॅथॉलॉजी विभागाच्या अहवालातून हे स्पष्ट झाले.
दिवाळीच्या पूर्वसंध्येला (11 नोव्हेंबर) वागातोर येथील मायोर रोमा रिसॉर्टच्या (Maior Roma Resort) मालकीण रेमाडिया मारिया या रिसॉर्टच्या बाहेर फोनवर बोलत उभ्या होत्या. त्याचवेळी समोरून भरधाव वेगाने SUV कार रिसॉर्टमध्ये घुसली ज्यामध्ये रेमाडिया यांचा जागीच मृत्यू झाला.
कार चालक हा अमलीपदार्थाच्या आहारी गेला असल्याने त्याचे गाडीवरील नियंत्रण सुटले असल्याचे बोलले जात होते. मात्र चालकाची अल्कोहोल आणि नार्कोटिक चाचणी शून्य आल्याने, या प्रकरणाला आता वेगळेच वळण प्राप्त झाले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.