ओळखपत्र नसलेल्या भारतीय, नेपाळी, परदेशी नागरिकांसाठी पणजीत लसीकरण

पणजी: राज्यातील (Goa) ज्या नागरिकांकडे ओळखपत्र नाही असे भारतीय (India), तसेच नेपाळी (Nepal) व परदेशातील इतर नागरिक यांना लस देण्यासाठी पणजीत (Panajim) पुन्हा एकदा खास लसीकरण (Vaccination) शिबिर आयोजित करण्यात आले आहे. यापूर्वी पणजी, मडगाव व आसगाव येथे वरील विभागातील नागरिकांना लस देण्यासाठी शिबिरे घेण्यात आली होती. (Vaccination camp in Panaji for foreign people)

पणजी येथील डॉन बॉस्को सभागृहात उद्या म्हणजेच 7 ऑगस्ट रोजी सकाळी 9 वाजल्यापासून आयोजित करण्यात आले आहे. या शिबिरात ज्यांना पहिला डोस घेऊन 90 दिवस झाले आहेत, त्यांना दुसरा डोस दिला जाणार आहे, तर ज्यांनी पहिला डोस घेतलेला नाही, त्यांना पहिला डोस मोफत दिला जाणार आहे. देशातील एकही नागरिक लसीशिवाय राहू नये या केंद्र व राज्य सरकारच्या धोरणानुसार हे लसीकरण होणार आहे. दरम्यान, या शिबिरा व्यतिरीक्त त्याच परिसरात गोमंतकीय नागरिकांनासुध्दा लसीकरण होणार आहे.

‘डेल्टा’चे अस्तित्व 135 देशांमध्ये

कोरोना विषाणूच्या सर्वाधिक संसर्गक्षम असलेल्या डेल्टा या प्रकाराचा प्रभाव आता 135 देशांमध्ये दिसून येत असल्याची माहिती जागतिक आरोग्य संघटनेने (WHO) दिली आहे. तसेच, जगभरातील बाधितांची एकूण संख्या पुढील आठवड्यापर्यंत वीस कोटी पर्यंत पोहोचेल, असा इशाराही दिला.