स्वाभिमानी मयेकर भाजपला चांगलाच धडा शिकवतील: संतोषकुमार सावंत

Goa Elections Update: परवा पार पडणाऱ्या विधानसभा निवडणुकीमुळे सर्वांचीच उत्कंठा वाढली आहे. गेल्या काही दिवसात अनेक राष्ट्रीय नेते केंद्रातून गोव्यात प्रचारासाठी दाखल झाले आहेत. यादरम्यान पक्षनेते एकमेकांवर सडकून टीका, आरोप-प्रत्यारोप करत आहेत.

गेल्या निवडणुकीत सर्वाधिक मते मिळवूनही कॉंग्रेसची सत्ता स्थापन झाली नाही. यावेळी कॉंग्रेसने गोवा फॉरवर्ड पार्टीसोबत युती करून ही निवडणूक (Goa Elections 2022) लढवण्याचा निर्धार केला आहे. दरम्यान, कॉंग्रेस-गोवा फॉरवर्ड पार्टीतर्फे भाजपवर निशाणा साधण्यात आला. (Santosh Kumar Sawant News Updates)

मये मतदारसंघात भाजपला पराभवाची चाहूल लागली आहे, त्यामुळे त्यांनी पैशाच्या बळाचा वापर करून मतदारांना आकर्षित करण्यासाठी स्वस्त युक्ती अवलंबली आहे. स्वाभिमानी मयेकर भाजपला चांगलाच धडा शिकवतील. आता फक्त अवघ्या काही काळाची बाब आहे, भाजपचा पराभव निश्चित आहे, असे मत GFP उमेदवार संतोषकुमार सावंत यांनी व्यक्त केले आहे.

दरम्यान, कॉंग्रेस आणि भाजपमध्ये या निवडणुकीत चुरशीची लढत दिसून येत आहे. पण यावेळी जनता नेमकी कुणाच्या बाजूने असणार हे पाहणे महत्वाचे ठरणार आहे.