Rain at IFFI Venue: परतलेल्या मॉन्सूनने पुन्हा एकदा राज्यात हजेरी लावली आहे. काल (24 नोव्हेंबर) ठिकठिकणी अवकाळी पावसाच्या सरी बरसल्या. सध्या सुरू असलेल्या आंतरराष्ट्रीय चित्रपट महोत्सवातही पावसाने एंट्री केली आणि सर्वांची धावपळ सुरू झाली.
काल संध्याकाळी वाळपई आणि इतर परिसरात जोरदार पाऊस झाला. त्यामुळे पणजी शहरातही पाऊस पडण्याची शक्यता वर्तवण्यात आली होती. दरम्यान, रात्री 11 च्या सुमारास पणजीत पावसाला सुरुवात झाली.
इफ्फीमध्ये आंतरराष्ट्रीय दर्जाचे चित्रपट पाहण्यासाठी जगभरातील सिनेरसिकांंनी हजेरी लावली आहे. यावेळी अचानक आलेल्या पावसामुळे एकच गोंधळ उडाला. यानंतर सर्वजण आडोसा शोधू लागले.
एरव्ही सजावट आणि विद्युत रोषणाईच्या झगमगाटात न्हाऊन निघालेला इफ्फी परिसर पावसामुळे अचानकच शांत होऊन गेला. इफ्फीमध्ये मोठ्यामोठ्या लाइट्स आणि स्क्रीन्स लावलेल्या आहेत. पावसामुळे आवश्यक लाइट्स बंद करून त्या भिजू नयेत यासाठी त्यावर प्लास्टीस चढवण्यात आले. तसेच स्क्रीन्सवर ताडपत्री टाकण्यात आली.
दरम्यान, हवामान खात्याने राज्यात पुढील तीन दिवस म्हणजेच २५ ते २७ नोव्हेंबरपर्यंत वादळी वाऱ्यासह पावसाची शक्यता व्यक्त केली असून या काळात ‘यलो अलर्ट’ही जारी करण्यात आला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.